Skip to Content

Lingua galega

TRABALLOS DO ALUMNADO DE 1º DE ESO: A POESÍA E OS CENTÓNS

O alumnado de 1º de ESO estivo a traballar en Lingua galega o tema da lírica. Todos os rapaces contribuíron cun poema composto coa axuda dun modelo. Como podedes ver nas presentacións de Chanzos, o blog de lingua galega, todos se esmeraron o seu para seren poetas auténticos. Premendo nas imaxes poderedes ver os traballos das nosas Rosalías (e tamén dos Rosalíos, que habelos hailos).

Poemascentóns

DÍA DAS LETRAS GALEGAS, 2018

CARTEIS CONMEMORATIVOS DO DÍA DAS LETRAS GALEGAS
FEITOS POLO ALUMNADO DE 1º ESO

Agora que avanzamos cara ao mes de maio e que se van achegando os actos do Día das Letras Galegas (o Correlingua do 5 de maio, a Xornada das nosas letras o 17, adicada a María Victoria Moreno), o noso alumnado de 1º de ESO desenvolve unha actividade de reflexión sobre a utilidade da lingua galega no mundo actual. Estes son os seus argumentos, que iremos publicando día a día ata o 17 de maio:

Cartel-12Cartel-13
VALERIA, PAULA, DANIELAANDREA, NOA, ISIS

 

anónimo2anónimo

adorno-02

Os carteis dos días anteriores

Cartel-01Cartel-03Cartel-02Cartel-04060708
  05

3º ESO NUN ROTEIRO POR SANTIAGO DE COMPOSTELA

XORNADA ROSALIANA EN SANTIAGO DE COMPOSTELA

Daguerrotipo de Rosalía de Castro con 18 anosPadrón. 15 de xullo de 1885. Rosalía de Castro agoniza rodeada polos seus. Alejandra, a súa filla, a carón do leito, terma da man da poeta, que delira, a mente xa no limiar doutras terras. Pronuncia as súas derradeiras, misteriosas, fermosas palabras: "abride a fiestra, que quero ver o mar".

     O día 20 de marzo pasado Patricia Varela e Alfonso Salgado, os nosos estupendos profesores do Departamento de galego, levaron ao alumnado de 3º de ESO a Padrón e a Santiago de Compostela, terras rosalianas, dentro das actividades didácticas coas que se lembra a figura literaria da grande poeta romántica galega.
     En Padrón, os rapaces visitaron a casa-museo da autora, esa onde Rosalía deu o seu último alento caendo no mar infindo da morte. Despois, a visita do alumnado rematou na capital galega cunha serie de actividades lúdicas e didácticas destinadas a traballar diversos aspectos da vida e da obra da autora. Foi unha xornada para aprender desfrutando!
     Patricia e Alfonso, sempre ao pé da poesía!

LOGOSantiago-02Santiago-03
Santiago-07Santiago-06Santiago-05


Outros detrás, n'a eternidá caendo
cal cai o grau n'a moedora pedra,
sin que o porvir velado ôs mortais ollos
rompa as pesadas brétemas.
Que triste é a noite i-o relox que triste,
s'inquieto o corpo i-a conciencia velan!
                                                                Follas novas (1880)

O día de Rosalía no CEIP Alborada

Rosalía

Día de Rosalía de Castro (24 de febreiro)

     Dentro das iniciativas da Asociación de Escritoras e Escritores en Lingua Galega (AELG) para fomentar a lectura, atópase a conmemoración do nacemento da nosa poeta máis recoñecida, Rosalía de Castro.  Para celebrar este día especial das nosas letras, o profesorado do Departamento de lingua galega propuxo diversas actividades creativas e lúdicas en colaboración co centro CEIP Alborada. Así, parte do alumnado de 3º de ESO do noso centro, acudiu ao noso centro veciño para compartir cos rapaces de primaria unha xornada adicada aos textos da autora compostelá. Entre as actividades, o alumnado da ESO explicou aos nenos de primaria a importancia de Rosalía e as propostas da AEELG para celebrar o seu día. Deixouse aos rapaces un deseño da autora para que o pintasen e como agasallo, unha flor de papel a cada neno. Despois, realizouse unha lectura poética e todo o alumnado de secundaria e primaria participante cantou un poema de Cantares gallegos. Os deseños pintados polos rapaces foron colocados nas fiestras do colexio, tal e como podemos ver nestas fotos.

Rosalia1CantaresRosalia2
Rosalia3Rosalia4Rosalia5

     A bo seguro que todos pasaron un bo rato coa nosa principal poeta romántica. A nosa compañeira do Departamento de lingua galega Patricia Varela compartiu connosco á presentación didáctica que podemos consultar neste enlace e o vídeo que resume a xornada.

 

20 anos do Prestige

Prestige-01 EXPOSICIÓN CONMEMORATIVA

 Os departamentos de Lingua galega e Bioloxía colaboran desta vez na posta en marcha dunha exposición sobre o Prestige organizada polo CEIDA. Aproveitando o 20 aniversario desta traxedia ecolóxica, ambos departamentos e o seu profesorado queren lembrar aqueles tristes días de negrura e chapapote. A exposición componse de varios paneis explicativos, bibliografía e outros materiais que reflexionan sobre os problemas ecolóxicos e a necesidade de comprometerse co mantenemento do medio natural de xeito sostible. Estará colocada ata fins do mes de febreiro nas dependencias do laboratorio de Xeoloxía, onde poderá ser vista por todo o alumnado do centro.

Prestige-02Prestige-03Prestige-04

     Ademais da exposición, os rapaces da ESO asistirán o día 8 de febreiro a unha charla-conferencia sobre o accidente do Prestige.

Distribuir contido


by Dr. Radut