IES POETA DÍAZ CASTRO

Onte estivemos en Santiago acompañando aos nosos alumnos e alumnas no Acto de Recoñecemento aos Mellores Expedientes de ABAU.

Os alumnos e alumnas do IES Poeta Díaz Castro merecedores e merecedoras desta distinción son:

PAULA GARCÍA GRAÑA

YAGO MARTÍNEZ PENA

MARTA ELISA SANMARTÍN CAMPELLO

HUGO SANMARTÍN RODRÍGUEZ

Orgullosos do traballo desenvolvido no centro, da colaboración das familias e do esforzo dos nosos rapacese rapazas, non nos queda outra que salientar que un 27% dospresentados no noso centro ás probas de ABAU foi merecedor deste recoñecemento, frente ao 10% de media en Galicia.

Por iso...

NORABOA A TODOS:

ALUMNADO, FAMILIAS E PROFESORADO!!!!!!

 O día 21 de xuño, en Xornada de Portas Abertas, celebraremos a nosa segunda Feira de Proxectos.

O alumnado será o protagonista, novamente, ao explicar unha parte importante dos proxectos desenvolvidos ao longo destes meses.

A Xornada desenvolverase co seguinte horario:

11.15: Vestíbulo do centro

Benvida, explicación da xornada.

Colocación da Placa que nos distingue como eTwinning School

Comunicación do Premio á aula mellor coidada 2023

11.30: Percorrido do itinerario por todas as paradas de proxectos.

Rincón da natureza - Espazo Creativos - Espazo Fabricación Mecánica - Arredor das palabras - Audiovisual - K Paces - Aula da calma - Espazo mediación - Mercados solidarios - Activa a túa mente - Revista TIC

Contamos coa vosa visita e publicaremos en RRSS novas sobre o desenvolvemento do día!

Accede aquí á descrición do día en A lus do mundo

Nos pasados días, os profesores encargados do proxecto eTwinning "Cadea de Hoteis de Insectos", realizado durante o curso 2021/22, recibiron os Selos de Calidade Nacional e Europeo por guiar o traballo do alumnado de 1º, 2º de ESO e FP Básica.

Estamos de noraboa!

Podedes ver o TwinSpace do proxecto neste enlace

Sabedes que este ano o noso proxecto eTwinning é o que nos levou a construír os bancais de cultivo e a composteira??

Publicada a  ORDE do 10 de maio de 2023 (DOG do 19 de maio) que convoca as axudas para material escolar para o curso 2023-2024.

O prazo para a presentación de solicitudes abrangue dende o 20 de maio ata o 21 de xuño de 2023, ámbolos dous incluidos.

As solicitudes presentaranse preferiblemente por vía electrónica a través do formulario normalizado (ED330B-anexos I e II). Opcionalmente, poderánse recoller e presentar as solicitudes presencialmente nos centros docentes ou en calquera dos lugares e rexistros establecidos na normativa reguladora do procedemento administrativo común.

Enlace ao texto da Orde

Enlace ao FORMULARIO NORMALIZADO (ED330B-Anexos I e II)

Enlace á aplicación FONDOLIBROS

Enlace á SEDE ELECTRÓNICA

   A alumna do noso instituto YANIRA GUIZÁN MONTES, foi convocada pola selección española de fútbol sala para disputar dous partidos internacionais.

  Según nos conta a propia Yanira:

        "Esta convocatoria coa selección española foi espectacular, fun disputar dous partidos amistos contra Portugal os cales gañamos os dous. O primeiro 1-7 e o segundo 0-4. Para min foi un orgullo ir convocada e creo que foi un mérito a todos estes anos de esforzo dentro e fora da pista."

   E non só para ela debe ser motivo de orgullo, senón que ese sentimento é compartido por toda a nosa comunidade educativa.

Co Patrocinio da Xunta de Galicia, celebramos o XXXI Rally Matemático 2023.

Este concurso está destinado aos estudantes dos seguintes cursos: 1º, 2º, 3º e 4º de Matemáticas da ESO; en grupos de 8 alumnos e alumnas (pertencentes á mesma clase).

Este ano participaron 8 alumnos de 2º da Eso B. Nos outros grupos non se deron conseguido oito participantes para formar un equipo.

A proba consistiu na resolución de  5 problemas o martes 11 de abril ás 4 da tarde.

A proba tiña unha hora de duración, podían enviar as respostas breves o máis rápido que puidesen a partir das 16:10 horas e logo podían enviar a resposta máis detallada ata as 17:15 horas.

Os obxectivos eran:

• •promover a ciencia e as matemáticas entre os estudantes, 

• •demostrar que non están reservados para unha elite, que son atractivos e accesibles para todos, Matemáticas para todos, non só para os que acadan boa nota na materia. 

• •propiciar a resolución colaborativa de problemas. 

Material a empregar:

• •Todo tipo de materiais, incluídos libros de texto e calculadoras, agás internet e teléfonos móbiles 

Foi unha actividade na que pasaron un rato agradable , pois quedáronse a comer todos na cafetería do centro ( invitados polo instituto)  e acompañados polo profesor Xosé, e logo traballaron en equipo para a resolución dos problemas. Aquí estiveron acompañados dos profesores do Departamento de Matemáticas Fran, Xosé e Ángeles.

O alumnado que o vindeiro curso vaia realizar estudos de Bacharelato, Formación Profesional, FP de grao básico, ensinanzas artísticas, deportivas, de idiomas ou estudos Universitarios , pode solicitar beca para o curso 2023_24.

Desde hoxe e ata o 17 de maio, a través da sede electrónica del Ministerio de Educación e Formación Profesional.

Máis información na web de becas do Ministerio de educación:

https://www.becaseducacion.gob.es/portada.html

Compartimos o vídeo de difusión que o Equipo de Mediadores baixo a dirección de Cristina de la Torre creou para dar a coñecer cal é a súa función no noso instituto.

Aberto o prazo de presentación de solicitudes para alumnado procedente doutros centros distintos dos adscritos

do 1 ao 20 de marzo de 2023

O impreso de admisión (modelo ED550B) pódese cumplimentar e descargar da web

www.edu.xunta.gal/admisionalumnado

ou ben recoller na secretaría do centro.

As solicitudes poderán presentarse de xeito telemático na aplicación https://www.edu.xunta.gal/admisionalumnado/ ,

ou ben de xeito presencial na secretaría do centro.

Durante o pasado mes de febreiro o Claustro e Consello Escolar do IES Poeta Díaz Castro aprobaron as novas Normas de Organización e Funcionamento. Na súa elaboración participaron profesores, alumnos e familias, baixo a dirección da Comisión de Convivencia do centro.

Compartimos, aquí, o documento, co interese de difundilo entre toda a comunidade educativa.

ENLACE ÁS NORMAS DE ORGANIZACIÓN E FUNCIONAMENTO DO IES POETA DÍAZ CASTRO (V. 02/2023)