Localización
Benvida
O IES de Curtis é un centro público de Ensinanza Secundaria e Profesional, do medio rural de Galicia, construído no ano 1981 e situado no concello de CURTIS. O núcleo onde se atopa ten unha poboación aproximada de dous mil habitantes e o concello sobre os catro mil douscentos setenta. A zona educativa á que pertence dispón, ademais deste Instituto, de dous Centros de Educación Infantil e Primaria, así como dunha Casa da Xuventude, situada en Curtis, unha Casa da Cultura en Teixeiro, e un Centro de usos múltiples en Curtis, todos eles dotados de Biblioteca. Ademais hai dous Pavillóns Deportivos cubertos, dúas piscinas, pistas polideportivas e dous ximnasios coa dotación necesaria. A súa economía xira en torno a principal industria, LOSAN, de transformación de madeira, e tamén do ferrocarril, as feiras mensuais (9 e 23 en Curtis, 5 e 18 en Teixeiro) e, por suposto, da agricultura, arredor das cales aparece un entramado comercio de minoristas, numeros talleres mecánicos, eléctricos, de carpintería, pintura, etc. Tamén conta con varias entidades bancarias, xestorías de seguros, comercios de alimentación y de tecidos, librerías, etc., o que fai de Curtis e Teixeiro dous nucleos de poboación que prestan servicios de todo tipo.
