Skip to Content

Complementarias, Extraescolares

Exposición : “Que no te confundan”

Ven, 27/01/2023 - 18:11 — carina

Ao longo destas semanas, a comunidade educativa gozará da exposición : "Que no te confundan!" cedida pola Asociación Pro Derecho Humanos de Andalucía de Cádiz. Os diferentes paneles expostos recollen os distintos bulos, rumores infundados cunha carga xenófoba preocupante que se van facendo cada vez máis frecuentes.  
Esta exposición pretende facer reflexionar sobre a veracidade dos contidos e será motivo de debate e reflexións nas nosas aulas nas distintas titorías sobre o repunte de racismo e xenofobia que arruina a conivenvia intercultural e diversa.
Agradecemos a iniciativa e organización do departamento de Orientación e por suposto á APDHA de Cádiz polo traballo e cesión da exposición. 

https://www.apdha.org/que-no-te-confundan/


Visita ao Museo do Mar de Galicia de Vigo dos cursos de 1º e 3º de ESO

Xov, 12/01/2023 - 19:19 — carina

Obradoiros de Nadal

Lun, 09/01/2023 - 22:07 — carina

Como cada curso, rematamos o ano 2022 con obradoiros de Nadal. Esta vez, cunha novidade: catro dos 10 obradoiros impartidos foron propostos e dirixidos por alumnado do Centro.

Parabéns ao profesorado implicado e unha mención especial a Sabela e Uxía do 2ºcurso de ESO, a Leticia, Nerea e Nora de 3º de ESO e a Nicolás do 4ºcurso de ESO pola iniciativa, preparación e éxito dos obradoiros.

Feliz comezo de ano a todos e a todas!

Para visionar o vídeo das actividades , preme  aquí.


Iniciativa "libretas solidarias" do alumnado de valores éticos.

Mér, 06/07/2022 - 17:19 — carina

Péchase o curso co mellor sabor!!!

Este ano, o noso alumnado de ESO de valores éticos xunto coa súa profesora Beatriz Pérez Espiña, promotora da iniciativa, déronlle unha segunda oportunidade a unha morea de papeis e cartóns en desuso para convertilas nunhas fermosas libretas recicladas.

O labor e entusiamo durante o curso, tanto na elaboración como na venda solidaria das libretas, acadou a súa recompensa coa implicación e colaboración da gran familia do IES de Cotobade.

No día de onte, UNICEF Ucrania recibiu o noso pequeno gran de area cunha doazón de 177€.


Moitas grazas a todos e a todas pola mostra de solidariedade e compromiso.

#emergenciaucrania

Entrega de diplomas polo alcalde de Cerdedo-Cotobade ao alumnado participante na formación para mediadores e cibermentores

Ven, 20/05/2022 - 18:07 — carina

Para acceder á nota de prensa, prema aquí. 


Traballos nas titorías sobre o acoso escolar. CPInlúe 2022.

Lun, 02/05/2022 - 17:47 — Anónimo

2 de maio. Día contra o acoso escolar. Actividade CPInclúe.

Lun, 02/05/2022 - 17:38 — Anónimo

Hoxe, día 2 de maio, a comunidade educativa do I.E.S. de Cotobade conmemora o día en contra do acoso escolar, protagonizando un NON fronte acoso! 

Alumnado, profesorado e persoal de administración e servizos recordaron no día de hoxe a importancia da prevención, detección e tratamento do acoso escolar e defensa das vítimas. Unidos na procura dunha contorna escolar segura,  participaron no seguinte photocall : "Non ao acoso escolar" para denuncialo e visibilizalo.

EXPOSICIÓN "LECCIÓN XITANA"

Mar, 26/04/2022 - 13:11 — Anónimo

 

No I.E.S de Cotobade apostamos pola diversidade e a integración. Durante uns días podemos ver a exposición "Lección Xitana" cedida pola Fundación Secretariado Gitano . Esta exposición  pretende  contribuír ao coñecemento do pobo xitano.

"Lección Xitana" é ese capítulo perdido dos libros de historia: a cultura silenciada, os nomes propios invisibilizados, as novas que non se publicaron e as anécdotas que nunca nos contaron. Con "Lección Xitana" queremos chamar a atención sobre o gran descoñecemento que a meirande parte da sociedade ten sobre a comunidade xitana. É un convite a romper a ignorancia, o prexuízo, o rexeitamento ou a indiferencia. É unha chamada a coñecer o rico patrimonio histórico e cultural do Pobo Xitano .

"Lección Xitana" presenta unha historia de persecución e dor, pero tamén a resistencia, superación e dignidade, así coma a contribución xitana ao patrimonio social e cultural común.

Esta actividade intégrase nos Contratos Programa Inclúe.

8 de abril. Día internacional do pobo xitano

Ven, 08/04/2022 - 09:52 — Anónimo

O día 8 de abril celébrase o día internacional do pobo xitano. O IES de Cotobade creou un espazo na nosa biblioteca cos estoxos xitanos  nos que podemos atopar libros, cds, xogos, obxectos cotiáns, actividades manuais, receitas, fichas informativas... todo representativo da cultura xitana cedidos pola biblioteca Xosé Neira Vilas de Vigo. Esta actividade está enmarcada dentro dos Contratos-Programa Inclúe en colaboración co Secretariado Xitano.

Por que o reintegracionismo é útil para ti? Carlos Valcárcel Riveiro. Universidade de Vigo

Mar, 29/03/2022 - 18:05 — carina

Carlos Valcárcel Riveiro, profesor universitario da lingua francesa e da didáctica de segundas linguas, visitou o alumnado de 3 e 4 ESO o martes 29 de marzo. A través dunha charla sobre o reintegracionismo, achegoulle á rapazada unha visión diferente e necesaria sobre a situación do galego. Grazas por visitarnos un ano máis, Carlos!


Distribuir contido


by Dr. Radut