Grupos, Horarios - Grupos, Matrícula, Bolsas - Axudas , Lexislación, Libros de Texto, Documentación xeral e impresos, Faltas de asistencia. Procedemento, Validacións- Titulacións, FSE Contratos Programa, ARCO, Avisos

Publícanse no día de hoxe as listas definitivas do alumnado beneficiario do fondo solidario de libros de texto para o curso 2024-25, nas que se detallan o número de libros adxudicados por materia.

Á vez, emítense os vales para a adquisición de material escolar que poderán ser recollidos no centro a partir de hoxe (polo pai / nai, titor/a legal ou adulto autorizado documentalmente).

De acordo co establecido na normativa de fondodelibros e lei de protección de datos, non se facilitará a información de forma telefónica e a lista só estará accesible no interior do centro educativo no taboleiro de anuncios de secretaría, polo que deberán acudir ao centro no horario de apertura do mes de xullo, de 10:00 a 13:00.

Lembramos que o luns 29 de xullo, o centro permanecerá pechado pola festividade local do Ecce-Homo.

Para ver ou descargar a listaxe, prema na seguinte imaxe.

Achéganse os documentos coa organización dos últimos días lectivos do curso 2023-24.

Atópanse dúas instrucións diferentes:

• 1º, 2º e 3º de ESO

• 4º de ESO

Pregamos revisen, antes da devolución, o número e estado dos libros de texto (a correspondencia co lote adxudicado), o estado dos ordenadores EducaDixital ou o de calquera outro préstamo do que fora beneficiario/a .

O 20 maio, publicouse no DOG a Orde do 7 maio pola que se regula a participación no fondo solidario de libros de texto e se convocan axudas para adquisición de libros de texto e material escolar.

PRAZO DE SOLICITUDES:

DO 21 DE MAIO AO 21 DE XUÑO 

Para ver ou descargar a Orde, as instrucións, anexos simplificados do IES de Cotobade, respostas ás preguntas máis frecuentes, prema no arquivo en PDF adxunto correspondente.

Pode acceder a toda a información no portal de fondo de libros:

https://www.edu.xunta.gal/fondolibros/

Toda a información atópase colgada en soporte papel no taboleiro de anuncios da secretaría do centro. Asemade, no día de hoxe repartiuse en papel ao alumnado de 1º, 2º e 3º de ESO do centro a documentación necesaria para formalizar a solicitude.

En cumprimento da nova lei educativa estatal, este curso está previsto en todas as comunidades autónomas a realización das probas da avaliación de diagnóstico para o alumnado do 4ºcurso de educación primaria e 2º curso de educación secundaria obrigatoria. No caso de Galicia, terán lugar os próximos días 10 e 11 de abril 2024.
Pode atopar máis información, prema na seguinte ligazón:

https://www.edu.xunta.gal/portal/sites/web/files/ad2324_faq.pdf