Novas EDLG

O domingo 7 de abril de 2013 volveron saír as camisetas do noso lipdub Eu Falarei para participar en Redondela, xunto con asociacións e colectivos do concello, na gravación dun lipdub para a TVG co tema «Dolores» de Lamatumbá. Dez estudantes, dous profesores e dúas nais, achegamos un berete a Redondela, onde acabamos loitando coa coca.

Vídeo da inesquecible actuación da Banda do Patio do pasado 15 de marzo de 2013 co Motosicleta Man.

O luns 25 de febreiro  de 2013 ás 12:10h no vestíbulo do IES de Chapela o EDLG organiza unha homenaxe a Rosalía de Castro para conmemorar o seu nacemento no ano do 150 aniversario da publicación de Cantares Gallegos. Información no BLog do EDLG

Xa podes ver o vídeo do acto.

O EDLG do IES de Chapela únese á inicitiva #recitandocelsoemilio da Coordinadora Galega de ENDL.

O día 12/12/12 ás 12:12, realizaremos un recitado colectivo do poema DEITADO FRENTE AO MAR, de Celso Emilio Ferreiro, na pista do instituto. Cada fragmento vai ser lido por distintos  representantes da comunidade educativa. Simultaneamente o alumnado de 3ºESO vai recitar na Praia de Arealonga mentres fai unha performance organizada polo Departamento de Música.  

Toda a  información: Blog do EDLG

O martes 6 de novembro de 2012 tivo lugar en Ourense a entrega de premios do IV Certame OUFF Escola, no marco do XVII Festival Internacional de Cine de Ourense. Entre as 46 obras participantes na categoría “Secundaria e ensino non universitario” o xurado decidiu darlle o 1º premio ao lipdub EU FALAREI do IES de Chapela. Con este premio o xurado recoñece o traballo coordinado polo Equipo de Dinamización da Lingua Galega do IES Chapela no que participou toda a comunidade educativa no pasado mes de xuño e que deu lugar á gravación do lipdub EU FALAREI. Foron recoller o premio a Ourense 53 persoas, alumnado e profesorado do IES Chapela, que dedicaron o premio a toda a veciñanza de Chapela “que se identificou co proxecto e hoxe canto orgullosa EU FALAREI”.

Eu Falarei nos medios.   Nova no Faro de Vigo. 

En galego faise Ciencia! 

Actividades no IES III Día da Ciencia en galego e da Semana da Ciencia.

1. Exposición participativa "Do Big Bang ao LHC", con sorteo de premios entre os e as participantes.

    Forma de participar.

2. Conferencia "Pescudando nas orixes da materia". Por Cibrán Santamarina

3. Leonardo da Vinci  Cociñeiro. Verdade ou mentira?

En galego tamén se fai ciencia

Exposición "Do Big Bang ao LHC". Grazas a todas e todos. XA PODEMOS VER A EXPOSICIÓN EN GALEGO!

Luns no 2º Recreo, sorteo de premios entre o alumnado participante nas traducións.

Desde o grupo organizador do lipdub pedimos a vosa colaboración para participar na escena final da gravación cantando o retrouso que podedes aprender aquí ou no blog do EDLG. A escena gravarémola no aparcamento (sen coches) o martes 5 de xuño de 2012 a partir das 17:40h, igual que o resto do lipdub. Nela estarán todas as persoas que participan dentro do instituto e temos convidados a todos os membros da comunidade educativa do IES e dos Colexios da parroquia.Traede a camiseta do maratón! Veña, hai que ir quentando esas gorxas!