Escoitar, Aprender e Compartir

O autor do libro “Memorias de un exnazi: veinte años en la extrema derecha española” compartiu a súa experiencia co alumnado de 4º da ESO e 1º de Bacharelato

Radicalización fronte a pensamento crítico. Ese foi o cerne da conferencia que ofreceu o pasado luns no IES de Chapela o galego David Saavedra, autor dun mediático libro sobre a súa experiencia de máis de 20 anos introducido nos círculos da extrema dereita española. Durante arredor de dúas horas, o autor fixo un percorrido polo proceso que o levou a radicalizarse durante a adolescencia abrazando a ideoloxía nacionalsocialista, reflexionando sobre as semellanzas do pensamento radicalizado de distintas ideoloxías e como isto leva a anular o pensamento crítico.

PROCESO DE ADMISIÓN DE ALUMNADO DE ESO e BACHARELATO - Curso 2023-24

O proceso de admisión de alumnado para o curso 2023-24 iniciouse coa apertura do período de reserva para o alumnado dos centros adscritos ao IES de Chapela (CEIP Alexandre Bóveda, CEIP Igrexa e CEIP Laredo), entre o 15 de xaneiro e o 6 de febreiro.

As listaxes co alumnado que reservou praza para o IES de Chapela publicaranse no taboleiro do centro antes do 1 de marzo.

Admisión do alumnado de novo ingreso para ESO e Bacharelato no curso 2023-24

Prazo: 1 ao 20 de marzo

Poderá realizarse ben de xeito telemático a través da aplicación https://www.edu.xunta.gal/admisionalumnado/

Ben presencialmente no propio centro entregando a seguinte documentación:

• Fotocopia DNI ou folla de inscrición da alumna-o no Libro de Familia.
• Certificado de matrícula (con código XADE) no que conste o curso que está a estudar actualmente.
• Certificado académico, salvo para 1º ESO.
• Padrón familiar

Vacantes

Listaxe provisional: 25 de abril

Listaxe definitiva: 15 de maio

Desde hoxe, xoves 23 de febreiro, xa está publicada no taboleiro da secretaría do centro a listaxe de alumnado dos centros adscritos de primaria con praza reservada en 1º da ESO no IES de Chapela para o curso 2023/2024.

O venres 17 de febreiro a pista deportiva do IES de Chapela converteuse, un ano máis, nun gran escenario de Entroido no que desfilaron e bailaron os distintos grupos de ESO, Bacharelato e FP cos seus orixinais disfraces e coreografías. A xornada foi toda unha festa, con toda a comunidade educativa gozando do desfile e, como non, degustando filloas e orellas.

Pica a imaxe inferior para acceder á galería de imaxes do Entroido, e nos vídeos para ver algunhas das coreografías!

Xa están convocadas as probas de acceso a ciclos formativos de grao medio e grao superior. Estas probas están destinadas a aquelas persoas que queiran cursar un ciclo de FP e carezan dos requisitos académicos para acceder directamente. Deixámosvos aquí o calendario das probas. Tedes máis información nesta ligazón.

O IES de Chapela organiza a cuarta edición do seu Torneo de Xadrez, que se desenvolverá ao longo dos meses de febreiro e marzo durante os recreos. O alumnado interesado en participar no torneo deberá formalizar a súa inscrición antes do xoves 26 de xaneiro na conserxería do centro.

O IES de Chapela abrirá do 16 ao 20 de xaneiro as súas instalacións ás visitas de pais, nais e futuras alumnas e alumnos na súa Semana de Portas Abertas, ofrecendo a posibilidade de coñecer as instalacións do centro e a súa oferta formativa. A actividade coincide co inicio do período de reserva de praza para os centros adscritos (CEIPs Igrexa, Alexandre Bóveda e Laredo) de cara ao vindeiro curso, que estará aberto do 15 de xaneiro ao 6 de febreiro, e as visitas poderán realizarse nos días indicados en horario de 18.30 a 20 horas.

Así mesmo, as familias do alumnado dos centros adscritos que teñan previsto matricularse no centro o vindeiro curso terán unha reunión informativa o martes a partir das 18.30 horas, na que ademais de información sobre a oferta académica recibirán unha visita guiada polo centro.