O pasado mércores 13 de marzo, o alumnado do Horario 2 do Ciclo de Educación Infantil do réxime para persoas adultas do IES de Chapela fixemos unha visita aos espazos MilRamas e Gándara International School en Gondomar. Deste xeito, puidemos achegarnos desde dentro a outras formas de educar e acompañar as crianzas no seu proceso de crecemento sobre a base do respecto ás súas necesidades e intereses. Moitas grazas a Iago por facernos de anfitrión con tanta amabilidade.