O pasado venres, 2 de marzo, os alumnos e alumnas de 1º da ESO puidemos ver na Escola Oficial de Idiomas a representación teatral da obra Leonardo e os fontaneiros, de María Victoria Moreno.
O protagonista, Antón Andrade Asorei, e a súa compañeira de clase, Begoña, recordaron as divertidas anécdotas vividas durante o último curso de colexio, mais tamén os momentos de mágoa que experimentaron á morte do can Leonardo ou da súa mestra, A Galiña.