Temos o vestíbulo chulísimo, cheo de exposicións. Ademais da de Plástica de #violenciazero, podemos ver os traballos do alumnado de Ciencias sobre a célula, os virus e as bacterias...

Parabéns ao equipo ganador do campionato de brilé, de 3° ESO B, que hoxe puido gozar do seu premio: un estupendo almorzo na nosa cafetaría, ademais doutros regaliños. Bravo!

O mércores 25 de xaneiro o noso alumnado do Club de Manga asistiu á Xuntanza do IES María Soliño xunto coas representacións dos outros centros do Morrazo e trouxeron unha boa presada de premios! Moitas grazas pola boa organización, viñemos encantados/as!

Hoxe contamos coa presenza no centro de dous profesores de Mozambique, que viñeron coñecer a nosa maneira de traballar nas aulas e a ensinarnos como son as clases no seu lugar de orixe. Este foi o xerme de moitos traballos colaborativos entre as nosas escolas. Um prazer, Susana, Hamilton e Simião, muito obrigad@s!

A semana pasada nun recreo inauguramos a exposición contra a violencia machista "365díasviolenciazero" realizada polo alumnado de Plástica e fixemos entrega dos premios ás curtas gañadoras no certame do 25N. Parabéns, rapazada!