O pasado xoves o alumnado de Afondamento realizou unha visita guiada polo Parlamento de Galicia. Este curso participamos nos Contratos Programa da Conselleria de Educación.

En marzo asistiremos ao concurso de debate Parlamento Xove con dous equipazos de mozas/os. O Parlamento é, ademais, espazo de exposición de artistas galegos contemporáneos. Ficamos abraiados coa súa colección!

Para aproveitar ben a viaxe, fixemos unha visita ao Museo do Pobo Galego.

Unha visita a Compostela do máis aproveitada, non si?

Un ano máis o instituto encheuse de cor grazas ao alumnado e ao profesorado que se disfrazou no tradicional desfile de Entroido.

Como xa vén sendo tradicional aqueles disfraces máis orixinais viron recompensada a súa creación dunha bandexa de orellas, o postre tradicional destas datas.

E aínda que chova, viva o Entroido!

O alumnado de bacharelato das materias do Departamento de Tecnoloxía asistiu con grande interese á charla do profesor da Facultade de Telecomunicacións da UVigo, José Luis Alba.

O tema non podería estar de máis actualidade, pois a conferencia levaba por título "Rompendo barreiras de comunicación coa Intelixencia Artificial".