SOLICITUDE CICLOS FP
Enviado por iesab08 o Mar, 2024-06-11 20:13
O prazo de presentación de solicitudes de admisión para ciclos de FP de grao medio ou superior para o curso 2024-2025 será desde o 24 de xuño ás 9:00 horas ata as 13:00 horas do 4 de xullo.
Para realizar a solicitude débese ir a www.edu.xunta.gal/ciclosadmision. Só estará dispoñible a partir do día 24 de xuño, durante o prazo de presentación de solicitudes.
1. ENTRA EN: www.edu.xunta.gal/ciclosadmision
2. REXÍSTRATE (mediante unha das dúas opcións)
- Alta de solicitude sen certificado dixital e sen usuario
Para realizar a solicitude débese ir a www.edu.xunta.gal/ciclosadmision e premer sobre “Alta solicitude web”. Neste caso, solicitaráselle o DNI ou documento oficial de identificación (DOI) e un enderezo electrónico. Realizarase a solicitude seguindo as instrucións do sistema.
- Alta de solicitude con certificado dixital ou conta “edu.xunta.gal”
No caso das solicitudes para menores de 18 anos mostrarase un despregable para escoller se quere crear a solicitude como solicitante ou como pai/nai/titor. Tamén se dispón da opción “Confirmación de solicitude de fillos menores de idade” no caso de que a solicitude fose realizada polo outro pai/nai/titor. Despois pasarase a unha ventá de carga de datos persoais.
3. COMPLETAR OS DATOS E AS OPCIÓNS DE CENTRO E CICLOS.
No caso de alumnado con discapacidade ou deportista de alto rendemento/nivel, deberá indicalo.
4. CONFIRMACIÓN DA SOLICITUDE.
A aplicación avisará no caso de que fose necesario achegar documentación, que poderá engadirse en soporte electrónico. Non será necesario presentar o resgardo da solicitude nin a documentación nun centro, agás que a aplicación indique.
MÁIS INFORMACIÓN www.edu.xunta.gal/fp/admision-fp-24-25
»
