E.E.I DE VILALBA

Aquí tedes unha nova edición da revista "A CARRILANA DAS NOVAS". Nela, atoparedes un resumo dos proxectos, obradoiros, saídas e demais actividades realizadas neste curso 23-24. 

E chegou o último día deste curso 2023-2024! Para celebralo, organizamos unha festa que incluiu actividades como unha minidisco,xogos variados,globoflexia, unha búsqueda do tesouro, a visita de Mickey e Minnie Mouse...Para rematar a mañá desfrutamos todos xuntos dunha merendola.

Dende a escola desexámosvos a todas as familias e aos nosos peques un bo verán e unhas felices vacacións. Ata pronto!

O pasado mércores despedimos aos nosos nenos maiores cunha emotiva graduación. Despois de varias actuacións nas que demostraron que son uns verdadeiros artistas, foron agasallados con cadanseu birrete e diploma. Dende todo o equipo que formamos parte  desta escola desexámosvos moita sorte e felicidade nesta nova aventura que comezades. Botarémosvos moito de menos. A VOAR!!!

O pasado mércores os nosos alumnos e alumnas de 4º de E.Infantil visitaron Avifauna. Despois de ver diferentes especies de aves, dirixíronse a Penas de Rodas para o xantar.Alí desfrutaron do entorno, escoitaron a lenda sobre as penas que contou a profe Merce e ata atoparon un tesouro. Foi un gran día!

A semana pasada, o equipo de Orientación do CEIP Antonio Insua Bermúdez, trouxo á nosa escola unha experiencia para o fomento da lectura e a interacción de nenos e nenas de distintas idades:"APADRIÑAMENTO LECTOR".

Os nenos e nenas de Primaria fixeron de padriños e madriñas e leron contos para o noso alumnado.

Agradecemos ao Equipo de Orientación, ás titoras e alumnado participantes nesta marabillosa experiencia.

O martes celebrouse a primeira xuntanza do club de lectura."Mi primer Principito" foi a lectura arredor da que conversaron familias, mestres, nenos e nenas.

Este ano conmemoramos o día das Letras Galegas coa nova iniciativa "Café con letras", achegando aos nosos nenos e nenas a nosa lingua. Dende a EEI de Vilalaba queremos agradecer tanto ao noso alumnado polo seu traballo, ás familias por colaborar coas vosas fotos nas redes sociais e aos establecementos colaboradores por facer posible este proxecto.

Por outra banda, o noso alumnado participou nun contacontos levado a cabo por alumnas do Lois Peña Novo.Moitas grazas tamén ao alumnado e profesorado que fixeron posible este encontro.

O 15 de maio conmemoramos na escola o día da familia. Baseándonos no libro " El hilo invisible", os nenos fixeron estas fermosas manualidades para os seus seres queridos.