As nosas cousiñas

SEMANA DO LIBRO

Esta semana celebramos o Día do libro, e ademais de elaborar uns marcapáxinas con flores secas, e ler moitos moitos contos no cole, como intentamos facer sempre, tamén creamos un vídeo para recomendar algúns dos que máis nos gustan. Temos a obriga de avisar que somos moi fans dos dinosaurios. Esperamos que o disfrutedes.

1 adxunto

DESPEDIMOS XANEIRO

Voltamos tras o nadal coas enerxías máis que recargadas,e con sorpresas, pois os Reis Magos pasaron pola escola e deixaron algúns agasallos.

E tras isto, para iniciar este novo trimestre, visitamos o CIFP Carlos Oroza, onde nos ensinaron as súas instalacións e nos permitiron preparar unhas deliciosas galletas, decoramos unhas taciñas de leite, e degustamos unhas riquisimas brochetas de froita e chocolate. A experiencia encantounos e estamos tremendamente agradecidas a esta escola pola súa amabilidade e atención.

Tendo en conta o moito que desfrutamos desta excursión decidimos iniciar un proxecto a cerca da cociña e os alimentos chamado "O mesón de Lantaño", a partir do cal levaremos a cabo a creación dun recetario, cociñaremos na escola, e coñeceremos a procedencia dos alimentos e o seu consumo recomendado.

E como primeira receita elaboramos unhas galletas de plátano, avea e chocolate, e uns zumes de laranxa.

E como tivemos a sorte de ter algúns días de bo tempo, tamén aproveitamos para saír a explorar o monte próximo.

ADEUS XANEIRO!

blogue de Lantaño

ADEUS DECEMBRO

O mes de decembro foi intenso, moitos catarros e gripes, pero sacando enerxía e forzas para gozar de moitas cousas.

A comezos de mes visitamos o centro do noso concello, Portas, onde nos rimos co espectáculo MOC MOC, coñecimos a biblioteca, o consistorio, e tivemos tempo para dar un paseo pola vila.

A Banda de Música de Lantaño visitounos para deleitarnos con un concerto de Nadal, e ensinarnos algúns dos seus instrumentos.

E por suposto, tamén puidemos celebrar o Nadal, colocando a nosa árbore, preparando a merenda colaborativa e o fin de ano coas súas tradicionais badaladas, e con visita de Papá noel, a quen entregamos a nosa carta.

Foi un fermoso mes, cheo de ilusión que dará paso a novos proxectos, ideas e vivencias.

Adeus decembro e adeus 2022!

Esperamoste con ganas 2023!

blogue de Lantaño

ADEUS NOVEMBRO

Rematamos o mes de novembro.

Agora os espazos da escola xa son máis que coñecidos, e cada vez empregamos os nosos materiais de xeitos máis creativos.

Pero de todos os espazos de que dispoñemos, é a natureza quen máis nos sorprende. Este mes atopamos a que é, ata agora, a seta máis grande coñecida (alomenos para nós).

A través da Fundación La Nineta dels Ulls coñecimos que é o Rentinoblastoma e convertémonos nunha das escolas de súper heroes e súper heroínas. Podedes coñecer máis a cerca desta Fundación e o retinoblastoma no seguinte enlace: https://fundaciolaninetadelsulls.org/es/presentacion-de-la-fundacion-la-nineta-dels-ulls/

E por suposto tamén tivemos tempo para reflexionar e conmemorar o 25N, Día Internacional contra a violencia de xénero, na honra das irmáns Mirabal, as tres bolboretas. Pois na escola estamos contra calquera tipo de violencia.

ADEUS NOVEMBRO! BENVIDO DECEMBRO!

blogue de Lantaño

ADEUS OUTUBRO

Ó longo do mes de outubro tiveron lugar moitos descubrimentos:

Apareceron as primeiras setas no parque de Lantaño, fonte de sorpresa, historias imaxinadas e xogos.

Gracias a Sara e a súa familia puidemos coñecer diferentes tipos de cabazas, e buscamos información a cerca das súas características e os seus múltiples usos.

Tamén deu tempo a ser solidarios. E achegamos á escola roupa que nós xa non empregamos para aqueles nenos e nenas que si o precisan, a través da Campaña Solidaria Mariola. Sobre a que podedes descubrir máis no seguinte enlace: https://sites.google.com/site/campanasolidariamariola/home

E xa se achegaba a época do Samaín, celebración Celta que festexa o fin das colleitas e do verán, para dar paso a época máis escura do ano, con días máis curtos e noites máis longas. A noite e a escuridade para moitas persoas favorece o achegamento ó medo, emoción sobre a que reflexionamos un pouco máis.