Educación Infantil, Educación Primaria, Equipos de centro, Act. Complementarias, ENDL, TICs, Proxecto Lector

O vindeiro venres e tras varios retrasos debido á climatoloxía, pero por fín imos visitar dous fitos arquitectónicos da nosa historia en Cabana de Bergantiños, moi, moi, preto de Carballo.

Esta excursión aportará unha experiencia moi vívida para o noso alumnado e unha grana aportación ao proxecto da historia que traballamos este ano no CRA Ponte da Pedra, para o cal atopamos xenial unha unidade didáctica do centro arqueolóxico do Barbanza que traballa o Neolitico, a Idade de Ferro e os Castrexos.

Para saber mais sobre o Neolítico e o Dolemn de Dombate podedes ver os seguintes videos:

Neste video podedes ver como se construiu o Dolmen de Dombate e a vida no Neolítico

Neste podedes ver explicacións sobre o O Dolmen de Dombate máis polo miudo

Neste video podemos ver como é Castro de Borneiro (A Cidá).

E na web do Concello de Cabana de Bergantiños podemos ver fotos da festa do Castro Animado.

Un ano máis o CRA Ponte da Pedra ven de celebrar o Festival de Nadal coas actuacións dos nenos e nenas, os cales puxeron todo o empeño e ilusión para que este festival fose do agrado dos pais, nais, abós, aboas, tios, tias, e resto dos asistentes.

O noso agradecemento moi especial ao concello de Carballo por cedernos as súas instalación e ao personal técnico que sen a súa inestimable colaboración non sería posible.

E como non un agradecemento moi especial á ANPA a Carballeira por colaborar coa grabación das actuacións, e conseguir que nos visitaran os Reis Magos no festival e o Papa Noel en todas e cada unha das escolas do noso CRA, algo que sin dúbida debeu deixar a Papa Noel esgotado.    

E sen mais dilación, e desexandovos un Bo Nadal e Feliz 2013 podedes ver os videos do festival.