Horto

Esta semana traballamos no horto retomando o traballo pendente da sesión anterior. Rematamos de delimitar os bancais e os corredores desde os que imos traballar. Antes de comezar, atendemos ás explicacións de Manuel Anxo, que nos lembrou o que tiñamos feito e o que nos tocaba facer esa xornada.

Despois de ter delimitado os tres bancais, tocou mover a terra. Primeiro comprobamos en que bancal estaba máis enxoita e descubrimos que en poucos metros de extensión de terra hai variación de humidade: unha parte do terreo estaba máis húmida que a outra. Por iso, somentes, traballamos a terra de dous bancais, agardando que, para a seguinte xornada de horto, secase a do outro bancal.

Cando rematamos de preparar os bancais, dirixímonos ao horto de aromáticas dentro do patio da escola. Nel, antes das vacacións de Nadal, plantamos bulbos de tulipán e fomos comprobar se nacera algún. Para a nosa sorpresa, brotábanlle as follas a case todos.

Un maior contacto co entorno natural non só lle vai aportar ás nosas nenas e nenos maior coñecemento sobre o medio no que viven, senón que é a maneira máis efectiva para que aprendan a respetalo e coidalo.

De todos é ben  coñecido o entorno natural que rodea a nosa escola e que nos permite descubrir infinidade de cousas a través da observación e da exploración; pero ademais deste enorme potencial natural co que contamos hai que unirlle o espazo adicado ao Horto, un espazo organizado para traballar como labregas e labregos. Como ben sabedes estes últimos dous anos lévase a cabo na escola un programa de Horto Escolar por parte do Concello de Carballo e coordinado por Manuel Anxo Pardiñas. Quincenalmente imos levar a cabo actividades de plantación, regadío, coidado... que, en función do tempo metereolóxio e do noso traballo, ao final do curso recolleremos para poñelos á venta na Pequefeira.

HORTO ESCOLAR

O pasado luns tivemos o primerio encontro deste curso escolar con Manuel Anxo, empezamos a quitar as herbas do bancal, e aínda nos quedaron unhas cuantas para o próximo día que veña que será o 3 de decembro.

GRAZAS MANUEL ANXO POR ENSINARNOS TANTO !