blogue de : Patri

Xa facía un tempo que na escola de Artes notabamos unha presenza estraña, cousas que non estaban no seu sitio, ruídos estraños... chegamos á conclusión que había unha pantasma na escola. Despois dun tempo invocándoa puidemos comprobar que si existía, a pantasma púxose en contacto coa nosa mestra a través do correo electrónico, chámase "Leretas" porque le moitísimo pasa horas e horas lendo e buscando información. Agora Leretas vive na Biblioteca da nosa escoliña e de vez en cando envíanos correos electrónicos para encomendarnos tarefas. A nosa pantasma este ano está especialmente interesada nos paxaros e está preocupada porque no noso patio non hai paxaros, todo un misterio que nos ten en vilo.

Para axudarnos "Leretas" encomendounos un plan: para atraer os paxaros ao noso patio deixounos alpiste e unhas laranxas para facer uns comedeiros naturais coas súas tonas. Nesa xornada fixemos zume de laranxa e despois os comedeiros.

No mes de outubro a nosa compañeira Mariña trouxo do seu horto dúas  sandías, aproveitamos a ocasión para medilas, pesalas, comparalas... e por suposto para degustalas, estaban riquísimas!!!

Ademais traballamos a unha pintora moi famosa que pintou un cadro tamén moi famoso con sandías, falamos por suposto da coñecida Frida Kalho. Coñecemos a súa biografía e as súas obras, despois quixemos imitar o cadro que pintou con sandías no que aparece a frase: "Viva la vida". Aquí vos deixamos unhas cantas fotos desas sesións: