Durante o mes de decembro nas escolas as nenas e nenos tiveron que superar un reto diario. Se o conseguían o canxeaban por 1kg de alimentos que posteriormente repartiron a Cáritas-Carballo e a Cruz Vermella.
Ao final conseguiron 108kg de alimentos.
Agradecerlle tamén a toda a comunidade educativa a súa solidariedade e colaboración coas achegas de alimentos, que se sumaron ao total conseguido polo alumnado nas escolas.
Este ano celebramos o Día Internacional para a Eliminación da Violencia contra a Muller visibilizando o papel da muller nas artes e reflexionando sobre a súa falta de protagonismo nas galerías dos museos.
Cada nena e neno localizou unha muller artista na familia, investigou sobre ela, e presentou a súa obra na aula ao resto de compañeiras e compañeiros.
Houbo un interesante traballo de investigación e aprendizaxe primeiro na casa coa familia e despois na aula sobre as mulleres na arte.
Para finalizar todo o alumnado creou unha obra conxunta e grupal baseada en cada unha das obras individuales das súas mulleres artistas a cal foi exposta no Pazo da Cultura de Carballo.
Grazas a toda a comunidade educativa por este fermoso traballo conxunto!!
O venres pasado celebramos un magosto terrorífico en cada unha das aulas do colexio.
Pasamos unha maña diferente e divertida construindo zonchos, vendo o conto de Carabuñas realizado polos nenos e nenas, merendando unhas deliciosas galletas monstruosos para cargarnos de enerxía e realizar uns divertidisimos xogos populares como carreiras de mazarocas, circuítos de castañas, a mariola, encesta castaña, torres e figuras con mazarocas, os bolos...
E finalizamos a maña escribindo, debuxando e queimando os nosos medos co fin de aprender a convivir con eles. Algúns tamén aproveitaron para xogar coa cinza pasando un bo ratiño.
COMENTARIOS
hai 3 anos 27 semanas
hai 4 anos 34 semanas
hai 4 anos 34 semanas
hai 4 anos 34 semanas
hai 4 anos 34 semanas
hai 4 anos 34 semanas
hai 4 anos 34 semanas
hai 4 anos 34 semanas
hai 4 anos 34 semanas
hai 6 anos 11 semanas