Fai clic para ampliar a foto

08/02/2018

Este ano foi 2º A da ESO o grupo encargado de deixar toda estupenda á nosa Meca. Na foto aparecen Sara, Irene, Claudia e Kevin, pero houbo máis xente de 2º A colaborando dalgún xeito. Moitas grazas polo gran traballo!!

No Feal sempre foran Mecos ata agora, pero estando o noso actual calendario dedicado ás mulleres bravas galegas, pensamos que tamén necesitabamos unha Meca brava.

E xa podedes ler tamén o testamento que deixa a condenada coa inestimable axuda de Raquel Paz.

03/02/2018

1. O luns durmiñón, trae a bata e o pixama que pon!!! (vir con roupa de durmir).
2. O martes trapalleiro, trae trapos e dalles xeito!!! (vir cunha mestura de prendas e accesorios que haxa pola casa).
3. O mércores revello, trae todo aquilo que atopes no pendello!! (vir vestid@s de velliñ@s).
4. O xoves trocadeiro, cambia o xénero: os nenos de nenas e as nenas de nenos!!
5. O venres a Meca xa está preparada, disfrázate ao teu agrado!!! (vir co disfrace que teña cada un/ha na súa casa).

Nota: Lembramos que estes mandados son indicacións para o disfrace. Non hai que vir totalmente disfrazad@s, senón caracterizad@s. Por exemplo: no caso dos velliñ@s, pelo branco, boina ou pano na cabeza e bastón... xa serían dabondo.

Fai clic para ver máis fotos

30/01/2018

Achegamos algunhas fotos do Día da Paz celebrado hoxe polo noso alumnado de Infantil e Primaria. Ademais de cantar "Yo contigo, tú conmigo" (de Morat con Álvaro Soler), os nenos e nenas desfixeron un muro de palabras negativas para deixar ver as positivas. O que algúns botaron de menos este ano foron as pombas, pero así tampouco pasaron ese tempo atrapadas en caixas.

21/12/2017

O noso profe de Educación Física Carlos Bacelo, organizou onte unha xincana por todo o centro de aproximadamente unha hora. A actividade estaba dirixida a 1º e 2º de ESO, aínda que o alumnado de 4º tamén axudou na organización (xunto con outros profes). Grazas a todos os participantes, e deixamos algunhas fotos no álbum "Xincana 2017" da nosa galería.

Fai clic para ampliar a foto

  20/12/2017

Para rematar o trimestre, o alumnado de 6º de Primaria fixo hoxe unha bonita saída en bici a carón do río Belelle, chegando ata Maciñeira. Aínda que o percorrido desenvolveuse sen ningunha incidencia importante, a nosa alumna Sabela deunos un susto, xa que mollou un pouco os pes nun regato ao saírse da pista pola que circulabamos.

Agradecer dende o centro, a Sonia, Simón e Pedro, membros do equipo de Educación Vial do Concello, a súa participación, xa que sen eles non sería posible esta actividade.

Fai clic para ampliar a foto

18/11/2017

Este ano, o Magosto de Secundaria tivo máis sorte co tempo que o de Infantil e Primaria. Foi unha mañá agradable e sen incidentes. Grazas a tod@s pola colaboración, e en especial ao departamento de Educación Física.

Fai clic para ver máis fotos

10/11/2017

Esta mañá tivemos mala sorte co tempo para o Magosto de Infantil e Primaria, e houbo que quedarse no patio cuberto. De todas maneiras, achegamos algunha das fotos feitas polas nosas alumnas de 4º de ESO B Antía Rodríguez Pita e Ariadna Ramos Pernas (moitas grazas!).

Fai clic para ampliar a foto

25/10/2017

Aquí tedes o primeiro sinal de que as festas de outono están cerca. Son as cabazas traballadas polo noso alumnado de 3º e 4º de Primaria durante un obradoiro organizado polo Concello de Narón.

28/09/2017

Achegamos o folleto informativo do Programa Municipal de Actividades Extraescolares (PROMEDEX) para este curso.

Ademais, aproveitamos para informar de que tamén está aberto o prazo de inscripción para a Escola Municipal de Música Moderna e Aulas de Ensaio.

Fai clic para ampliar a imaxe

 Fai clic para ver máis fotos

05/07/2017

Xa podedes ver as fotos que fixeron María Varela e Sonia Álvarez da nosa última festa no Pazo da Cultura, no álbum "FEstivAL Fin de Curso 2017" da nosa galería. Tamén podedes atopar en YouTube os vídeos gravados por Luis Dopico, na lista de reprodución "Fin de curso 2017", que este ano fará as delicias dos amantes da frauta.

O baile de 6º de Primaria ten silenciado por YouTube o fragmento con música de "The National", debido aos dereitos desta canción. Ademais, non é posible reproducilo en dispositivos móbiles, igual que "Choiva de estrelas" (de 5º de Primaria) e "Baile moderno" (da ANPA), polo mesmo motivo.

Moitas grazas a toda a xente que traballou dalgún xeito no festival.