Blogues

CHARLA INFORMATIVA SOBRE A AVALIACIÓN FINAL DE PRIMARIA ORGANIZADA POLA FEDERACIÓN PROVINCIAL DE ANPAS DA CORUÑA

Falaremos destas cuestións na charla que organiza a Federación Provincial de ANPAS,  coa colaboración das Asociacións de Nais e Pais, no CPI Eusebio Lorenzo Baleirón de Dodro o día 13 de abril ás 20:00 horas).

É un programa da Dirección Xeral de Xuventude, Participación e Voluntariado que consiste nunha liña de axudas pensada para que vós, os mozos e mozas, poidades desenvolver ideas que, transformadas en proxectos e iniciativas de interese, poidan reverter na mocidade actual e na nosa sociedade.

Poderedes participar de dous xeitos: a través de grupos informais de mozos/as ou ben dende as asociacións xuvenís e entidades legalmente constituídas.

As actividades serán planificadas e desenvolvidas por vós mesmos/as, fomentando sempre  a participación, a axeitada utilización do lecer, a calidade de vida e o benestar, a través dos proxectos integrais e específicos de actuación que propoñades.

Dirección Xeral de Xuventude, Participación e Voluntariado, no teléfono 981 544 866, enderezo electrónico institutoxuventude.ctb@xunta.es

Aquí deixovos o link:

http://xuventude.xunta.es/iniciativa-xove.html

As alumnas Martina Fuentes Morono e Ona Tobaruela Multó asistirán do 3 ao 7 de Setembro a un Campamento Xuvenil Internacional que terá lugar no CENEAM (Centro Nacional de Educación Ambiental),situado en Valsaín (Segovia) e dependente do Ministerio de Agricultura, Alimentación e Medio Ambiente.

Este campamento, no que ademáis estarán acompañadas por participantes doutras nacionalidades e polo profesor coordinador do proxecto, foi o resultado de seren premiadas  no Congreso Virtual Internacional "Climántica 2015". En concreto o traballo que resultou premiado titúlase "Telexornal Medioambiente" no cal facendo uso de técnicas de "stop motion" abordaron diversos problemas relacionados co medioambiente, tratando ao mesmo tempo de concienciar   á cidadanía sobre distintos aspectos que afectan a conservación da natureza. A calidade dos traballos premiados foi excelente, tal e como quedou reflexado nos medios de comunicación.

Tamén queremos facer unha mención aos outros participantes, como Sabela, Ainara y Lucia, que ainda que non acadaron ningún premio nesta convocatoria, deixaron constancia da súa dedicación nos magníficos proxectos que realizaron.

 Un ano máis o CPI dos Dices participou no congreso de medio ambiente organizado polo CEIDA co proxecto titulado "O Espazo do Vilán. Unha Xoia na Rede Natura" no cal estiveron traballando ao longo do curso. O congreso celebrouse o 5 de xuño na Cidade da Cultura, coincidindo co dia mundial do medio ambiente, e a él asistiron  para presentar os seus proxectos estudantes dunha decena de centros galegos. No vídeo da actividade podedes ver o desenvolvemento do congreso así como a brillante exposición que fixeron os nosos alumnos do traballo.