blogue declubdeciencia

No mes de Decembro estivemos traballando coa luz, pero non coa luz eléctrica, senon coa luz química.

Despois de estudar os principios químicos da quimioluminiscencia e ver tamén o caso particular da bioluminiscencia polas luciferinas, decidimos por as mans na masa.

Primeiro xogamos a ser detectives CSI e analizar a escena dun crime. E  para elo preparamos unha disolución de luminol (qué caro é este produto), e unha de ferricianuro de potasio que faría as vaces de "sangue". Con esta solución manchamos algunhas mesas, e o alumnado do Club de Ciencias tivo que descubrir co uso do luminol en que mesas había restos de "sangue".

Analizamos asimesmo as tripas dos "glowsticks" e a reación das tintas fluorescentes e o bis 2,4, triclorofenil oxalato coa auga osixenada para emitir luz duradeira.

Completamos a actividade facendo unha solución de rodamina e vendo a emisión de luz baixo unha lámpada de luz ultravioleta.

O alumnado de 6º de primaria do Clube de Ciencias visitou en xaneiro os Museos Científicos da Coruña. Alí puidemos compartir unha bonita xornada na que aprendemos moitas cousas. En primeiro lugar, estivemos na Casa das Ciencias, na que visitamos as súas exposicións e tamén puidemos gozar da proxección dun documental no Planetario.

A continuación fixemos a visita á Domus, no que ademais das súas actividades interactivas puidemos ver unha exposición sobre a evolución humana.

Por último, nesta intensa xornada, rematamos o día no Aquarium Finisterrae.