Bioloxía e Xeoloxía, Inglés, Matemáticas, Orientación, Lingua galega, Educación Plástica Visual, Música

Charla de Richi Casás

Dom, 15/01/2023 - 04:59

O doce de decembro o músico cercedense Richi Casás deu unha charla no Auditorio para o alumnado de Primaria sobre música tradicional e a súa utlización no álbum que grabou co seu grupo,titulado "Fuliada na Vila".

Como parte do acto, un grupo de alumnas e alumnos de Primaria e Secundaria xunto con todo o alumnado asistente como público interpretaron o "Canto de Nadal da Vila da Igrexa",unha peza que cantaba a avoa de Richi, Rosa Casás,e que forma parte do "Cancioneiro Popular Galego" que compilou Dorothé Schubarth coa colaboración de Antón Santamarina.

Departamento de inglés- Curso 22/23

Mar, 13/12/2022 - 09:09

O departamento de inglés neste curso 22-23 está formado por María Asunción del Valle Cortiñas, profesora titular e xefa de departamento, quen imparte os cursos de 2º, 3º e 4º de ESO, e Juan José González Luaces, profesor de Historia que imparte inglés en 1º de ESO.

Aberta a temporada de saídas do Departamento de Galego no curso 2022/2023

Mar, 11/10/2022 - 17:37

Nesta ocasión co alumnado de 4º ESO viaxamos a Cambados (Pontevedra) para coñecer de primeira man os espazos vitais do “poeta da raza”, Ramón Cabanillas.

Pola mañá percorremos a vila visitando as diferentes casas do autor (a casa natal, os diferentes domicilios familiares ou a derradeira vivenda, na que falece), algunhas prazas relacionadas con el (a Praza de Fefiñáns, a Praza Asorey, a Praza de Alfredo Brañas e a Praza Cabanillas), igrexas significativas na súa biografía (de San Bieito, de San Francisco e a Ermida da Pastora), pazos de especial interese (o Pazo de Ulloa, o Pazo de Montesacro, o Pazo Torrado e a Casa dos Fraga) ou aqueles lugares imprescindibles de Cambados (Ruínas Santa Mariña, Torre San Sadurniño, Casa do Concello, Paseo da Calzada) e, finalmente, o cemiterio.

Pola tarde rematamos a actividade no Museo de Cabanillas. Un broche perfecto para esta xornada.

PROGRAMACIÓN LOMCE 2º E 4º ESO

Mér, 14/09/2022 - 15:47

Este curso 2022/2023 presenta unha particularidade: á vez que se abre un novo camiño educativo ao entrar e vigor a LOMLOE para os cursos impares da Educación Secundaria Obrigatoria (1º e 3º ESO), continúa vixente a LOMCE nos cursos pares (2º e 4º ESO).

Achegamos nesta entrada as programacións de Galego para estes dous últimos niveis, ademais da que corresponde á materia de Latín, asignada ao noso departamento.

2 adxuntos

Concerto do 4 de maio

Lun, 09/05/2022 - 15:58

O 4 de maio un grupo de rapazas e rapaces de Primaria e Secundaria do centro,coa colaboración dos profesores de Música,Martín Nogueira e David Sanz, deron un pequeno concerto con pezas de música tradicional galega con motivo da visita ao centro dun grupo de profesores e alumnos de Grecia e Portugal, no marco do proxecto Erasmus+ "Undertaking, Recycling and Creating".

Visita ao Viveiro de Empresas Municipal de Cerceda

Mér, 30/03/2022 - 11:29

O 30 de marzo fuimos co alumnado de IAEE 4º ESO ao Viveiro de Empresas Municipal de Cerceda,puidendo visitar as excelentes instalacións das que dispón e coñecer de primeira man a experiencia dalgúns dos emprendedores que teñen instalada aquí a súa empresa.