Bioloxía e Xeoloxía, Inglés, Matemáticas, Orientación, Lingua galega, Educación Plástica Visual, Música

O alumnado de 3º ESO deu os primeiros pasos do Correlingua 2024 participando no obradoiro "Desata a lingua", de mans da poeta Lucía Aldao.

A finalidade desta actividade era a elaboración de lemas en defensa da lingua, partindo dunha serie de textos actuais referidos ao uso, vixencia e prestixio do galego: os premios nacionais de poesía e teatro para Yolanda Castaño e Paula Carballeira; o emprego das linguas cooficiais, e polo tanto do galego, no Congreso dos deputados, a difusión da música en galego a raíz da participación das Tanxugueiras na preselección de Eurovisión, o aumento de tiktokers, youtubers e demais influencers na nosa lingua, etc.

Velaquí un exemplo do resultado deste traballo:

O pasado 24 de outubro o alumnado de 4ºESO realizou unha saída a Cambados para coñecer de primeira man os espazos vitais de Ramón Cabanillas.

O programa dese día comezou coa visita ao Museo Ramón Cabanillas, guiada polo catedrático de Filoloxía Románica da USC, Francisco Fernández Rei.

A seguir puidemos acceder á casa natal do poeta das Irmandades.

E, finalmente, o alumnado realizou unha xincana na procura dos lugares máis destacados na biografía do autor cambadés.

A actividade quedou deslucida debido ao mal tempo, xa que choveu todo o día, e isto provocou que non puidesen completar a xincana en condicións.