CPI Plurilingüe Cernadas de Castro

Visitamos o Eroski para facer unha compra responsable. Recordaronnos a importancia de levar unha dieta equilibrada e facer exercicio. 

Tivemos que facer a compra dun menú equilibrado e colocar os produtos nunha pirámide alimenticia. Finalmente, agasallaronnos cunha merenda saborosa.

Pasámolo moi ben.

No arquivo adxunto figura a relación de alumnas e alumnos admitidos para o vindeiro curso escolar 2016_17

Pois como estamos no ano de Manuel María, decidimos achegarnos ata Outeiro de Rei para visitar a casa natal do autor, hoxe convertida en Fundación. Agradecémoslle moito a Fran a súa enorme amabilidade e a paciencia coa que nos explicou todo o que tiña que ver coa vida e obra deste gran escritor. Mentres esperabamos a que acabara a quenda dos de 1º da ESO, tivemos a oportunidade de conversar un chisco con Josefa, Pepa, a cuñada de Manuel María que ten unha casa xusto ao carón da Fundación. Ademais de falarnos do seu cuñado e de asuntos da vila, tamén aproveitamos para fixarnos na súa variante dialectal que non se asemella á nosa, mais que tanto nos agradou.

Pola tarde, e despois de comer apraciblemente na carballeira de Santa Isabel, achegámonos ata o Castro de Viladonga, onde, e a pesares da calor, percorremos o castro enteiro e tamén visitamos o museo. Se queredes ver o resto das fotos, ide á galería da páxina do centro.

Os alumnos e alumnas de 1º ESO están a ter o seu primeiro contacto coa programación a través de Scratch. Trátase dunha linguaxe de programación moi visual que permite arrastrar o código no lugar de ter que escribilo, o que fai moito máis atractivo o seu uso. Os rapaces e rapazas de de 1º ESO levan catro semanas programando unha pequena versión do xogo Pong. Nas próximas semanas subiremos a esta mesma páxina o xogo feito por algúns deles.

Fai clic en calquera das imaxes para ir á galería.

Os alumnos e alumnas de 1º ESO B, 2º ESO A e 2º ESO B levaron a cabo un obradoiro de papiroflexia cos alumnos de 5º e 6º de primaria. Depois de aprender a construir as figuras, os rapaces e rapazas de 1º ESO B ensinaron aos de 5º como facer un coello de papel, mentres que os de 2º ESO axudaron aos de 6º a facer un cubo modular.

Fai clic nunha das fotos para ir á galeria.

            De acordo co procedemento establecido no punto quinto da Orde do 29 de maio de 2008, pola que establece o procedemento para a implantación da xornada lectiva en sesión única de mañá ou mixta nas escolas de educación infantil, colexios de educación infantil e primaria, colexios rurais agrupados, centros públicos integrados, centros de educación especial e centros privados concertados, convocámolos á votación do sector de nais, pais ou titores legais que terá lugar atendendo ao seguinte calendario e horario:

O Departamento Territorial  vén de informar como viable a xornada mixta solicitada no referente ao transporte escolar. No arquivo adxunto poden acceder ao documento.

            De acordo co procedemento establecido no punto cuarto da Orde do 29 de maio de 2008, pola que establece o procedemento para a implantación da xornada lectiva en sesión única de mañá ou mixta nas escolas de educación infantil, colexios de educación infantil e primaria, colexios rurais agrupados, centros públicos integrados, centros de educación especial e centros privados concertados, convocámolos a unha reunión informativa  do sector de nais, pais ou titores legais atendendo ao seguinte horario: