O xoves 3 e o venres 11 de xuño tiveron lugar as Segundas Xornadas deGastronomía Francesa no comedor do noso centro; as primeiras tiveron lugar o curso 18-19. As Xornadas actuais, foron organizadas xa o curso pasado polo alumnado de francés que en aquel momento cursaba 2º de ESO. Debido ao confinamento non se poideron levar a cabo e por fin, este curso se fixo realidade. Esperamos ter máis edicións no futuro… Todas as persoas (alumnado, profesorado, equipo de cociña e axudantes, etc) que poidéchedes degustar os menús estades invitadas a respostar á seguinte enquisa: PREME AQUÍ
Moitas grazas!!
|
|||
Ao longo desta semana, o alumnado de E.Infantil do noso colexio contou coa colaboración da Escola de Música de Lousame para impartir a clase de Música. Nela realizáronse actividades de interpretación musical (canto e práctica instrumental) e danza, dunha maneira lúdica, que lle permitiu ao alumnado achegarse ás ensinanzas musicais propias dunha Escola de Música. A actividade foi gratamente acollida por todos os nenos e nenas, polo que vos animo a asistir á Xornada de portas abertas da Escola de Música, da que axiña vos achegaremos información, posto que se realizarán sesións de música para os nenos/as e as súas familias. Por último, agradecer unha vez máis a Fernando as colaboracións que fai co noso colexio, participando en todo momento dunha maneira activa na ensinanza da Música. Esperamos poder estreitar máis esta colaboración no vindeiro curso, xa vos informaremos das novidades.
|
|||
|
|||
A ANPA Alecrín do CPI Plurilingüe Cernadas de Castro vén de mercar material deportivo diverso para que o alumnado poida utilizar nos recreos unha vez que a situación COVID desapareza e os alumnos e alumnas volvan a compartir o material e o tempo de lecer. O noso agradecemento a todas as familias e, en particular, á Xunta directiva da ANPA! |
|||
Tipos de axuda e destinatarios. - Fondo solidario de libros: alumnado que o vindeiro curso 2021/22 estará matriculado en 3º, 4º de EP, 1º, 2º 3º ou 4º de ESO. No noso centro 5º e 6º de EP non utililizan libros de texto, cursan o proxecto EDixgal , o material é dixital e usarán un portátil que se lles facilitará no centro polo que non poden solicitar o fondo solidario de libros pero sí o vale para o material. - Axudas para libros de texto: alumnado que o vindeiro curso 2021/22 estrá matriculado en 1º e 2º de EP. - Material escolar: todo o alumnado que o vindeiro curso 2021/22estea matriculado en EP e ESO. · Requisitos. - Ser pai/nai/titor legal dun alumno matriculado nun centro sostido con fondos públicos. - Renda per cápita igual ou inferior a 6000 €, agás no caso de discapacidade superior ao 65% e alumnado en garda/tutela da Xunta de Galicia ou de Educación Especial, que poderá ter calquera tipo de renda: o Os datos son os do exercicio fiscal de 2019. o Sumaranse os recadros 435 e 460 de cada un dos membros da familia con ingresos e dividirase o resultado da suma polo número de membros da unidade familiar a 31/12/19. o No caso de non prestar declaración, teranse en conta os ingresos de acordo cos datos tributarios facilitados pola Axencia Estatal de Administración Tributaria. · Presentación de solicitudes. - Cada pai/nai/titor cubrirá unha única solicitude para todos os seus fillos, que poderá recoller no centro ou accedendo á aplicación Fondolibros (clica para acceder á aplicación) da Consellería de Educación. Na documentación adxunta tedes un manual a vosa disposición, se optades por presentar a solicitude de forma telemática. - Poden optar polas seguintes formas de presentación: a) No centro, en soporte papel, ata o 22 de xuño de 2021 (este incluído), agás o alumnado procedente de centros privados ou os repetidores de 4º de ESO, que terán un mes de prazo desde a matrícula. Virán debidamente asinadas e coa documentación requirida; se se cubriu na propia aplicación Fondolibros, imprimirase e entregarase cuberta co número que lle foi asignado para que o centro a poida recuperar. b) Na Sede Electrónica da Xunta de Galicia, que enviará un aviso ao correo electrónico do centro.
|
|||
|
|||
Informamos a toda a comunidade educativa que A Xefatura Territorial da Coruña autorizou o martes 18 de maio como día NON LECTIVO. Polo tanto, comunicamos que o centro permanecerá pechado o luns 17 de maio (Festivo Autonómico – Día das Letras Galegas) e o martes 18 de maio ( día non lectivo escollido polo centro). |
|||
Informamos de que xa están publicadas no centro as listaxes definitivas resultantes do proceso de admisión do alumnado para o curso 2021/22. Todo o alumnado solicitante obtivo praza. Poden tamén consultar esta información a través da aplicación admisionalumnado. As datas de matrícula abranguen o período comprendido entre o 20 e o 30 de xuño, ámbolos dous incluídos. |
|||
- « primeira
- ‹ anterior
- …
- 9
- 10
- 11
- 12
- 13
- 14
- 15
- 16
- 17
- …
- seguinte ›
- última »