 |
 |
Acaba de ser 11 de setembro, e volveu aparecer en todos os medios de comunicación imaxes do que sucedeu aquel día do ano 2001. Ese curso, na clase de Infantil B traballamos a noticia e seguimos a trvés da prensa todo o que foi acontecendo nos días posteriores. Elaboramos un documento con fotografías, titulares, pes de foto... do que sucedía. Eran momentos nos que 19 nenas e nenos de 3. 4 e 5 anos sabían quen era Bush e Bin Laden. Localizaban no mapa do mundo EEUU e Afganistán e analizaban e xulgaban os acontecementos desde a súa particular visión de nenos e nenas pequenos. Cando comezaron os bombardeos en Afganistan as imaxes de prensa eran moi duras e suscitaron preguntas moi interesantes, xa daquela, que aínda seguen sen resposta: por que os nenos e a xente que vive en Afganistan teñen que vivir unha guerra se eles non fixeron nada malo?. Bush pareceía que era o bo e Bin Laden o malo ao principio pero despois dos bombardeos estamos seguros diso?. Por que as mulleres teñen que levar Burka? Aquela promoción está agora en 2º, 3º e 4º de ESO e nos seus libros de texto estudan o que sucedeu o 11 de setembro do 2001 como un contido de Historia que foi no seu momento un contido de actualidade. |
|||
Versión para impresora
