O CPI Conde de Fenosa vai celebrar,  nun acto conxunto,  o día 28 de xaneiro o "Día Escolar da PAZ e da non violencia" (recoñecida pola UNESCO celébrase o día 30 de xaneiro para conmemorar a morte do lider e pacifista hindú, Gandhi ).

Será unha xornada educativa para a tolerancia, a solidariedade, a concordia, o respecto aos Dereitos humanos,  a non-violencia e a PAZ.

O acto terá lugar ás 12.45 ata ás 13:15h. co seguinte programa:

• Presentación (Directora)
• Lectura do texto "HOXE APRENDÍN..." (Alumnado de infantil e primaria).
• Lectura do manifesto pola PAZ. (Alumnado da ESO).
• Remate (Solta de pomba, reparto de pegatinas).

(Debuxo elaborado pola alumna do noso centro Ana Martínez de 4º de ESO)

O CPI Conde de Fenosa recibiu o Diploma e a carta de agradecemento da asociación de axuda humanitaria  "Save the Children", información que compartimos con toda a Comunidades Educativa, especialmente alumnado, profesorado, familias, Paula Mayobre, establecementos colaboradores, Protección Civil e Concello de Ares.

• CARTA DE AGRADECEMENTO

ACTIVIDADES SOLIDARIAS

 Desde o CPI “Conde de Fenosa” queremos amosar o noso agradecemento  a todo o alumnado, pais, nais e profesores/as pola participación e colaboración na carreira “Quilómetros de Solidariedade”, na cal recadamos 1.030 € que foron ingresados na conta de Save The Children. A nosa aportación irá destinada aos programas de desenvolvemento e emerxencia que esta ONG leva a termo para combater a desnutrición infantil nos países máis empobrecidos.

Grazas tamén pola vosa solidariedade na Operación Quilo de Nadal, na cal recollimos preto de 500 quilos de alimentos que foron donados a Cáritas de Ares e á Cociña Económica de Ferrol.

ORGANIZACIÓN DAS ACTIVIDADES DO NADAL

XOVES 17 DE DECEMBRO: Todo o centro participará na Carreira Solidaria que ven sendo habitual no noso centro, colaborando coa organización Save The Childrens.

• Educación Infantil.
• As carreiras terán lugar no pavillón do colexio cando o alumnado de primaria estea de volta, aproximadamente ás 13:00 h.
• NOTA: Permítese a entrada no recinto aos pais do alumnado de infantil para ver as carreiras. Entrarán no recinto unha vez que o alumnado de primaria estea acomodado nas bancadas.

•  Educación Primaria.
• As carreiras terán lugar no paseo marítimo a partir das 11:45h aproximadamente.
• NOTA:  Haberá unha persoa con botiquín e algo de comida e auga para quen o necesite, así como avituallamento para todos de regreso ao colexio.

• Educación Secundaria.
• Ás 10:30h. : Saída da carreira do CPI , rúas de Ares ata o Porto, Paseo Marítimo, Parque Rosalía, Avenida de Mugardos e volta ao CPI.
• Ás 11:30h. : Final da carreira.
• De 11:30 a 12:00h : O alumnado pasará pola zona de avitualamento (auga e froita) e momento de descanso.
• Ás 12:15 h.: Entrega de medallas e diplomas na pista polideportiva. Estará con nós PAULA MAYOBRE.
• Ás 13:00h.: Comezarán as coreografías na pista polideportiva.

Agradecemos a colaboración de toda a comunidade educativa, ao persoal do Concello, á Froitería Mari, á Floristería Real, e a Paula Mayobre.

VENRES, 18 DE DECEMBRO. FESTIVAL DE NADAL no Casino de Ares.

• Educación Infantil. O festival comezará ás 10:15h.
• Poderán entrar as familias do alumnado unha vez que estea acomodado no seu sitio todo o alumnado.
• As familias desaloxarán o recinto ao remate da función.
• NOTA: No caso de que chova  esta función realizarase na sala de Usos Múltiples do centro.

• Educación Primaria. O festival comezará ás 11:15h.
  
• Poderán entrar as familias do alumnado unha vez que estea acomodado no seu sitio todo o alumnado.

Ao regreso no Centro os Reis Magos entregarán ao alumnado unha golosina (colaboración da ANPA).

NOTAS:

• Aqueles que publiquen a calquera medio fotos ou vídeso do festival e/ou da carreira serán os responsables do feito. Por parte do centro, un representante gravará as actuacións, e unha vez revisadas colgaranse na páxina web do centro.
• A saída nese día será ás 13:30h unha vez que se entreguen as notas e non haberá comedor.

Desexamos a todos unhas Felices Festas coa esperanza de Paz e próspero ano 2016!

SESIÓN DE CONTACONTOS PARA CONMEMORAR OS DÍAS DOS DEREITOS HUMANOS E DEREITOS DOS NENOS.

Neste primeiro trimestre do ano hai dúas datas de suma importancia nas que se conmemoran, por un lado “O Día dos dereitos dos nenos”(20 de novembro) e por outro, o “Día dos Dereitos Humanos” (10 decembro). Por iso o alumnado da ESO invita a todos os nenos e nenas de Educación Primaria e Infantil á representación do conto “Antón: o neno que non quería ir á escola”.

O conto ilustrado integramente por Ana Martínez Fernández coa colaboración de Paola Toribio e adaptado ao galego por Mayolla Martínez Dragó é unha historia para reflexionar sobre a importancia da educación. Este dereito é un dereito fundamental que todos os nenos e nenas do mundo deben ter, xa que lles permite adquirir coñecementos e alcanzar así unha vida social plena. Ademais o dereito á educación é vital para o desenvolvemento económico, social e cultural de todas as sociedades. Sen embargo continúa sendo inaccesible para milleiros de nenos e nenas do mundo.

A través do conto de Antón descubriredes á importancia deste dereito: un dereito fundamental e universal.

Esperámosvos!!! As sesións realizaranse na sala de usos múltiples de secundaria.

Organizan e colaboran: Departamento de EDLG, Departamento de Reli, Departamento de Lingua Galega.

HORARIO DAS SESIÓNS

Aquí podedes velo conto:

OPERACIÓN QUILO DE NADAL

Estimadas familias:

Como xa é toda unha tradición no noso centro, un ano máis solicitamos a vosa colaboración para levar a termo  a  OPERACIÓN QUILO DE NADAL. Esta actividade centrada na educación en valores e educación para o desenvolvemento, ten como obxectivo fundamental sensibilizar ao alumnado e en xeral a toda a comunidade educativa.

Estamos ante unha época na que  diversas institucións como A Cociña Económica ou Cáritas seguen demandando a colaboración de toda a sociedade, e estamos ante unha ocasión marabillosa para aportar o noso gran de area.

Así pois, alumnado, profesorado e familias poderán  contribuír de maneira voluntaria aportando calquera alimento non perecedeiro, dende o 25 de novembro ata o 11 de decembro. A partir desta data os alimentos serán levados á Cáritas de Ares e á Cociña Económica de Ferrol.

Agradecemos unha vez máis o voso compromiso e participación.

                                                  GRAZAS POLA VOSA COLABORACIÓN

  MARATÓN SOLIDARIO: V CARREIRA QUILÓMETROS DE SOLIDARIEDADE

Polos dereitos da infancia

Un ano máis o noso centro organiza a V Carreira Quilómetros de Solidariedade. Esta carreira, enmarcada dentro das actividades solidarias do noso colexio, é unha actividade con dobre finalidade: por unha banda, espertar nos nosos alumnos e alumnas un espírito crítico e solidario cara as inxustizas que afectan a millóns de nenos e nenas de todo o mundo e, por outra banda, recadar fondos en colaboración coa ONG “Save the Children” para axudar á infancia mais desfavorecida e facer que se respecten os seus dereitos.

Nesta actividade solidaria,  o alumnado aboará 1 € por inscribirse na carreira e recibirá un dorsal, un carné de corredor e un diploma acreditativo de participación. Pola súa banda, o que “voluntariamente” queira buscar patrocinadores entre os seus familiares ou achegados, poderá facelo recollendo as súas aportacións a través do carné de corredor. Este ano a recadación irá a parar a través de Save the Children aos programas de desenvolvemento e emerxencia que esta ONG  leva a termo para combater a desnutrición infantil nos países máis empobrecidos.

Un ano mais, a atleta aresán Paula Mayobre  estará connosco  e   apoiará esta causa coa súa presenza  correndo cos rapaces e rapazas do noso centro.

ORGANIZACIÓN:

ESO: Saída as 10:30 horas. Ruta: Colexio, Igrexa, Porto deportivo, Paseo maritimo, Parque infantil Rosalía de Castro, volta ao colexio polo muelle.

Primaria: Saída do colexio as 11:30 horas. As carreiras faranse por categorías no paseo marítimo dirección nautico a partir das 11:45 horas.

Infantil: A carreira terá lugar as 13:00 horas no pavillón do colexio.

Agradecemos a todo o alumnado a súa participación e  solidariedade e invitamos a todos os pais e nais a que o xoves 17 de decembro, saian a rúa a apoiar aos nosos corredores solidarios.

CPI Conde de Fenosa:  construíndo un mundo mellor

Hoxe, martes 10 de novembro, saiu publicado no DOG a ORDE do 6 de novembro de 2015 pola que se convocan axudas para a adquisición de material escolar destinadas ao alumnado matriculado en educación primaria, educación secundaria obrigatoria ou educación especial en centros sostidos con fondos públicos para o curso escolar 2015/16.

Un dos requisistos e ter unha renda per cápita igual ou inferior a 5400 euros e non ser beneficiario da anterior axuda da Orde do 25 de agosto de 2015.

Podedes consultar a orde no seguinte enlace:

• ORDE DO 6 NOVEMBRO. AXUDAS MATERIAL ESCOLAR

 O CPI Conde de Fenosa convida a participar nesta que é a 3ª Convocatoria de Arte Postal, baixo o lema :

      "HAI UN ARTISTA EN TÍ: aRte-SOS"

O tema é "O mediambiente está en perigo: ¡SOS, Reciclemos!

A data límite de envío será o 20 de maio de 2016.

Envíos ao centro ao nome de Lara Valcuende e/ou Amelia Secas, ao CPI Conde de Fenosa.

Avda Celso Emilio Ferreiro, 4

15624-ARES (A Coruña)

Ao final de curso, nos meses de xuño e xullo realizarase unha exposición no centro.

Animamos a todos a participar. Non haberá premios.

Prezadas familias:

A partir do 4 de novembro xa temos en funcionamento o total número de prazas de comedor.

Están cubertas todas as prazas, non queda alumnado en reserva.

Recibimos o correo da Consellería de Cultura, Educación e Ordenación Universitaria concedendo a ampliación das 30 prazas de comedor para incorporar ao alumnado en reserva neste curso escolar 2015-2016.

Según se indica na “ORDE de 21 de febreiro de 2007 pola que se regula a organización, funcionamento e xestión do servizo de comedor escolar nos centros docentes públicos non universitarios dependentes da Consellería de Educación e Ordenación Universitaria” no seu artigo 5.1,  isto conlevaría o cambio de categoría de comedor e un incremento de persoal de cociña e dun colaborador.

A Consellería publicou no dia de hoxe a vacante tal como podedes velo no seguinte enlace:

http://www.xunta.es/comisions/ConsultarAnuncio.do?id=8637

Consideramos que a finales de outubro poderán incorporarse ao servizo de comedor os novos usuarios.