ACTIVIDADES COMPLEMENTARIAS

Non podíamos finalizar o proxecto do centro sobre os Xogos Olímpicos doutro xeito! O xoves tiveron lugar as Olimpíadas do Xulio Camba no Terrón. Cada ciclo realizou diversos xogos e o alumnado levou unhas medallas personalizadas. Tamén tivo lugar o tradicional e esperado partido de fútbol entre os mestres/as e o alumnado de 6º curso. Estivo a cousa igualada... pero un ano máis gañou o profesorado por goleada!

Deixámosvos unha mostra da iniciativa "Visita o teu super" de Eroski. As nenas e nenos de 4º e 5º curso realizaron actividades diversas relacionadas coa alimentación saudable e as matemáticas aplicadas, principalmente. Tamén trouxeron de volta algún regaliño... Moitas grazas a Eroski.

Para celebrar esta conmemoración o alumnado do Cole Norte inaugurou o horto escolar cunhas fermosas plantas. No Cole Sur plantaron distintos tipos de árbores por todo o patio cedidas pola Deputación de Pontevedra.

Así desfrutaron a excursión os dos 1º ciclo no Parque Arqueolóxico de Campo Lameiro.

Os nenos e nenas de Educación Infantil e de 1º Ciclo de EP asistiron ao Concerto Didáctico da Escola de Música de Vilagarcía no Auditorio Valle-Inclán de Vilanova de Arousa.