Emisión 45
Posted Xuño 8th, 2024 by AnónimoA información que necesitas, nun só lugar!
Non te perdas esta oportunidade de estar ao tanto do que sucede no colexio e de estar conectado coa nosa comunidade educativa! Goza desta nova emisión do Telexornal Escolar e descobre o que sucede no noso colexio!
Emisión nº44
Posted Maio 31st, 2024 by MiguelListos para unha nova aventura informativa?
Nesta edición, enfocámonos en mostrar o día a día no noso colexio de maneira innovadora e entretida.
Descobre todo o que sucede no noso centro e no noso Concello!
Non te perdas este episodio especial e observa o que acontece ao teu ao redor!
Emisión nº43
Posted Maio 24th, 2024 by AnónimoEstás preparado para unha nova aventura informativa?
Apaixónache estar ao día con todo o que sucede no noso cole?
O equipo dá TV-Inclán comprácese en anunciar a chegada dunha nova edición do Telexornal Escolar, a túa dose semanal de noticias e entretemento!
Solicitude para agrupamento de irmáns curso 2024-2025
Posted Maio 24th, 2024 by AnónimoLembramos que as familias que desexen que os seus fillos e fillas irmáns sexan escolarizados nunha mesma aula teñen que solicitalo expresamente na secretaría do Centro asinando o impreso pertinente. Esta opción soamente é posible no cambio de ciclo e terá a vixencia do ciclo, non sendo posible o cambio na metade do mesmo.
De non solicitalo expresamente, os irmáns serán escolarizados/as en diferente clase, seguindo os criterios que figuran no Plan de Atención á Diversidade para a formación de grupos.
O prazo para solicitalo é o mes de xuño.
Fondo libros, axudas libros e axudas material escolar.
Posted Maio 21st, 2024 by AnónimoAberto o prazo para a solicitude na participación no fondo solidario de libros de texto e axudas para adquirir libros de texto e material escolar. O prazo é ata o 21 de xuño incluído.
- Orde que regula este procedemento: https://www.xunta.gal/dog/Publicados/2024/20240520/AnuncioG0761-080524-0003_gl.html
- Anexo 1 e 2: : https://sede.xunta.gal/doc-invia/rest/anexos/231121791
As solicitudes poderán presentarse:
- Presencialmente no centro en horario de 09:00 a 14:00h e luns de 16:00 a 18:00h.
- Presentación electrónica mediante a sede electrónica da Xunta.
Os beneficiarios do Fondo de libros de texto é o alumnado de 3º e 4º de Educación Primaria (xa que 5º e 6º de EP teñen Edixgal).
As axudas para a adquisición de material escolar son para todo o alumnado de Educación primaria.
A documentación que hai que presentar é a seguinte:
- Solicitude (Anexo 1)
- Anexo II (comprobación de datos dos membros computables da unidade familiar)
- Copia do libro de familia ou documento equivalente (onde figure o/a alumno/a e os demais membros da unidade familiar)
- En caso de separación ou divorcio, deberán achegar sentenza xudicial ou convenio regulador.
Comunicación sobre a instalación de Puntos ARCOIRIS e realización de obradoiros para a prevención de violencias LGTBOFÓBICAS nos centros de ensino municipais.
Posted Maio 14th, 2024 by AnónimoComo cada ano, o Concello de Oleiros quere facer explícito o seu compromiso en seguir traballando en prol dun municipio libre de violencias machistas, entendendo que o recoñecemento da diversidade sexual e de xénero e a erradicación das violencias LGTBIfóbicas son imprescindibles para acadar unha sociedade verdadeiramente xusta, libre, igualitaria e democrática.
Por este motivo, desde o Servizo de Asistencia Técnica de Igualdade do Concello de Oleiros (SATICO) realizaranse actividades de sensibilización co alumnado dos centros educativos para a conmemoración do 17 de Maio de 2024, Día Internacional contra a LGTBIfobia. Nesta liña, o Concello de Oleiros instalará, entre o 9 e o 23 de maio, nos centros de ensino municipal un Punto Arcoiris.
Os Puntos Arcoiris son puntos de información, sensibilización e atención para a inclusión da diversidade sexual e de xénero, e para a prevención, detección e actuación fronte as violencias LGTBIfóbicas, conformados por un equipo de profesionais en materia de xénero, diversidade e violencias. Destes estes Puntos proporcionaráselle o alumnado información sobre os diferentes tipos de violencias; os recursos e servizos especializados na materia, e sobre temas de interese e preocupación en materia de diversidade que eles e elas mesmas queiran expor.
Paralelamente á instalación dos Puntos Arcoiris realizaranse obradoiros participativos co alumnado arredor das violencias LGTBIfóbicas e a diversidade sexual e de xénero, co obxectivo de reflexionar arredor de ditas violencias e darlle visibilidade ás vivencias e realidades das persoas LGTBIQA+.
O SATICO é un servizo aberto e participativo, de asesoramento e sensibilización dirixido a toda a cidadanía, a través do cal dáselle resposta a calquera dúbida, necesidade ou problemática en materia de xénero, igualdade, diversidade e violencias machistas, traballando tanto coa poboación a título individual como cos e coas profesionais, colectivos, asociacións e entidades do tecido asociativo, empresas, centros de ensino, clubs deportivos e demais axentes sociais, culturais, educativos, políticos e empresariais presentes nos municipio.
Emisión nº42
Posted Maio 10th, 2024 by MiguelEstamos emocionados de anunciar que a nosa nova emisión do Telexornal Escolar xa está aquí! Neste episodio, os nosos presentadores e presentadoras tráenche as últimas novas sobre o que está a pasar no mundo escolar.
Descobre que sucede no colexio, na cidade e no mundo!
Non perdas esta oportunidade de estar ao día do que máis importa para ti.
Imos aló!
Día do Libro 2024
Posted Abril 30th, 2024 by AnónimoLecturas compartidas e exposición fotográfica “Bookface” foron as dúas maneiras de conmemorar este ano o Día Internacional do Libro no noso colexio.
Grazas as familias pola vosa participación e creatividade e… a seguir gozando das lecturas!
Velaquí unha mostra das actividades que levamos a cabo.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »