Secretaría

Dende o vindeiro luns 1 de marzo e ata o día 22 do mesmo mes está aberto o prazo para a solicitude de praza escolar para o vindeiro curso académico. O cumprimento do formulario realizarase preferentemente na aplicación https://www.edu.xunta.es/admisionalumnado/.

• Alumnado ao que afecta este prazo:

- Alumnado que comeza a súa escolarización.

- Alumnado de 6º de EP que continúe os seus estudos de educación secundaria nun centro diferente ao adscrito.

- Alumnado que solicite cambio de colexio.

• Prazo de presentación das solicitudes: do 1 de marzo ao 22 de marzo

• Portas abertas. Se desexades vir coñecer o colexio, podedes facelo solicitando cita no 886 11 02 71 e atenderémosvos de xeito personalizado. Aquí tedes un adianto -> https://www.youtube.com/watch?v=M-V1Haz9lZI

• Presentación das solicitudes. Para presentar a solicitude deberá seguirse unha das opcións descritas a continuación.

- Preferentemente de xeito telemático na aplicación https://www.edu.xunta.es/admisionalumnado. É preciso ter certificado dixital ou Chave 365. As instrucións para cumprimentar están na propia páxina.

- Cubrir a solicitude telematicamente e presentala no noso colexio. As instrucións atópanse na páxina anteriormente citada: https://www.edu.xunta.es/admisionalumnado. É indispensable solicitar cita no teléfono 886 11 02 71 para a presentación da documentación. No caso de non poder presentarse a persoa solicitante, cubrirase o apartado "na súa representación".

- Cubrir a solicitude manualmente e presentala no noso colexio. Podedes descargar a solicitude (ver documento adxunto) ou solicitala ao correo electrónico do colexio (ceip.tiran@edu.xunta.gal) e vola enviaremos. É indispensable solicitar cita no teléfono 886 11 02 71 para a presentación da documentación. No caso de non poder presentarse a persoa solicitante, cubrirase o apartado "na súa representación".

Informamos ás familias de 6º de Educación Primaria que, o vindeiro xoves 28 de xaneiro ás 17.30 h, poderán acceder a unha videoconferencia para coñecer o funcionamento do IES Paralaia. Na mesma, que será a través da plataforma Webex, ofereceranlles un vídeo explicativo e a oportunidade de formular preguntas. Rógaselle que teñan a cámara encendida e o micro apagado. Poden formular as preguntas polo chat.

Deixámoslles o enlace da videoconferencia:

https://eduxunta.webex.com/eduxunta/j.php?MTID=mac71f54ccc70f6af68ad12ce3703af49

O venres 13 de novembro publicouse o procedemento polo cal serán distribuídas máscaras hixiénicas entre o alumnado de educacion primaria. Para ser beneficiaria ou beneficiario desta axuda, débese presentar o anexo I, anexo II e a copia do libro de familia.

Cómpre ter en conta que:

• O prazo é do 16 ata o 27 de novembro.
• A presentación das solicitudes será no propio colexio baixo CITA PREVIA.
• O alumnado que recibiu a axuda de material escolar NON TEN QUE PRESENTAR SOLICITUDE, xa que de xeito autómatico se lle proporcionarán as máscaras.
• A situación persoal e a composición da unidade familiar a ter en conta é a 31 de decembro de 2018.
• A renda per cápita para a concesión da axuda debe ser igual ou inferior a 6.000 €.

Anexo I e II (descargar aquí)

Instrucións sobre o procedemento (descargar aquí)

Publicación no DOG (información extendida) (descargar aquí)

As reunións de inicio de curso levaranse a cabo de xeito presencial.

Para asistir a ditas reunións cómpre ter en conta:

• Só poderá asistir un membro da familia. O alumnado non poderá vir.
• Cando o lugar de reunión sexa o ximnasio, accederase pola porta de dita planta. Para as reunións que sexan nas aulas accederase polas portas principais dos edificios.
• Débense seguir as normas de hixiene e protección básicas: uso de máscara durante todo o tempo que se estea no recinto educativo e a hixiene de mans ao entrar e saír das aulas ou do ximnasio.
• Rógase puntualidade.

 Quendas horarias:

Actualización dos horarios do período de adaptación para responder ás necesidades do "Plan de adaptación ao contexto COVID" (pinchar aquí)