Grandioso concerto da man dos profes da escola municipal de música folk e tradicional.

Coñecimos a importancia da música e os textos do pergamiño Vindel e participamos da animada interpretación colectiva

♫ ♪♩♫ le-ro le-ro le-ro

Derradeiros días para visitar este tesouro.  Museo do Mar de Vigo ata este domingo 4 de marzo.

♫ ♪ ♫ ♪♩♫ Na aula de Educación Musical conmemoraremos esta data, Día de Rosalía de Castro, traballando textos de Rosalía.

Imos estudar como os mesmos poemas e textos poden ser musicados en distintas versións e estilos musicais  ♪♩♫

Centrámonos no cantar "Adios ríos, adios fontes"

versión clásica de Amancio Prada

a partitura de Amancio Prada interpretada por Lucía Pérez

-> a versión rap de Aid

 Neste obradoiro producimos sons electrónicos con materiais de refugallo.

Practicando con recursos artísticos e científicos experimentamos coa frecuencia, vibración, ritmos...

Ata compoñer as nosas creacións musicais!!

(escoitade no video)

   Este curso "Con Vigo na Maleta" por santa Icía imos bailar danzas dos países que recibían aos emigrantes.

E para representar o momento de volver á casa, de volver estar coa familia, imos interpretar xuntos o canto de cego:

♫ ♪ ♩ Dame un biquiño

damo por favor

que veño de lonxe

damo meu amor ♫  ♩

Os mestres da  Escola Municipal de Música de Vigo, coa colaboración do departamento de educación do Concello de Vigo, realizaron este concerto didáctico para o alumnado de 5º e 6º de educación primaria.
Foi un éxito total. Todos desfrutamos e participamos activamente no mesmo.

Ao saír do concerto tivemos uns minutos de lecer que gozamos no parque infantil, de xogos ata 14 anos, da Praza do Rei

Dende a aula de educación musical imos participar no Salón do Libro de Pontevedra cun "franelograma" moi particular...

As cabezas das distintas figuras (redonda, branca, negra e corcheas) son animais e a súa "lingua", de modo que esta bichería canta moito!!

Cada alumna e alumno escolleu un animal deste libro que foi o xerme e inspiración para este canto moi animado!!!

Esperamos que todas as nenas e nenos que visiten o Salón en Pontevedra o pasen en grande cos libros do noso "stand"

Este venres 15 de xaneiro tivemos a honra de recibir a unha recoñecida pedagoga musical: Susa Herrera.

O equipo de mestres sentímonos moi agradecidos de que fixera posible esta visita para que o alumnado de educación infantil, 1º e 2º de educación Primaria gozase cos temas do seu Libro-disco no que a través de cada canción e cada animal presenta, tamén, distintos estilos musicais. 

Moitísimas grazas, Susa

e ata pronto!!!

Neste presente curso 2015-16 acomodouse unha nova aula de música por mor da rehabilitación da "veciña" aula de psicomotricidade. De modo que...

estamos de estrea!! 

Nun contexto histórico que parte do sXVIII ata a actualidade, Odaiko fai un repaso das grandes invencións do ser humano. Dende J. S. Bach, ata o plástico para chegar á conclusión de que o pasado recóllese no futuro.

A reputación artística de Sta Cecilia foi, probablemente, o resultado dunha mala tradución da palabra “instrumento” no libro “As Actas de santa Cecilia”. 

E así, Cecilia, comezou a representarse tocando un órgano e volveuse patroa da música. 

A vida comeza cun latido do corazón, e do mesmo xeito, a música nace cun pulso, seu corazón, que podemos escoitar no metrónomo. 

Latido a latido, golpe a golpe: PERCUSIÓN!  

(tocan Silvia e Anezka) 

O alumnado de Infantil celebra A VENDIMA!!!
Cantamos e bailamos para pisar as uvas!

♩♫ ♩ A FESTA DO VIÑO

CONSISTE EN PISAR

AS UVAS MADURAS

QUE ESTÁN NO LAGAR ♩♫ ♩

♩♫ ♩  PISA E PISA

E VOLVE PISAR

AS UVAS MADURAS

QUE ESTÁN NO LAGAR  ♩♫ ♩

(enlace á galería de fotos)