Blogues
DÍA DA PAZ: "DEIXEMOS EN PAZ AO PLANETA"
Enviado por Administrador o Ven, 31/01/2020 - 14:39
No San Vicenzo este ano celebramos o Día da Paz baixo o lema "Deixemos en Paz ao Planeta", co fin de continuar fomentando o respeto e coidado polo noso planeta, proxecto de centro que estamos levando a cabo durante este curso.
Alumnos voluntarios e mestres colaboraron en facer o noso mural para a paz. Ademais os nenos/as de 5º de primaria foron os encargados de facer o manifesto que, no Día da Paz, expuxeron para todo o colexio:
O DÍA DA PAZ E NON VIOLENCIA, HAI QUE TER CONCIENCIA
Hoxe, 30 de xaneiro, celébrase o día da paz e non violencia en todo o mundo. É por iso, que dende o CEIP San Vicenzo, queremos recordar a importancia de respectar as persoas e aceptalas tal e como son, sen discriminar polo seu sexo, raza, relixión, condición sexual, ideoloxía ou nivel económico.
Temos que recordar que a paz, non só é a celebración de un día, senón que debe ser todos os días, xa que é moi importante para ter unha boa convivencia con todas as persoas que nos rodean.
Cabe destacar, que na actualidade, tristemente estamos vendo moitas noticias sobre a violencia doméstica, o cal é un problema bastante grave, e que debemos concienciarnos para erradicar este comportamento que nos leva a un gran malestar social. Para isto, nós, os rapaces e rapazas, que vamos ser a xeración futura, debemos prestar atención e tomar exemplo da educación en valores que nos intentan transmitir toda a comunidade educativa, incluída as nosas familias.
No día da paz, non podemos esquecernos do maltrato animal, xa que a paz debe ser para todos os seres vivos do planeta. Os animais merecen un bo trato, amor e cariño, xa que eles nos aportan todo iso sen pedir nada a cambio. E por suposto, que sexan libres e vivan no seu hábitat natural e que non estean encerrados en gaiolas.
Non podemos rematar sen falar do noso planeta, que está sufrindo cada día máis, pola culpa dos seres humanos irresponsables que a contaminan sen pensar que non temos outro planeta donde vivir, e se non coidamos o que temos, a nosa vida na Terra será en peores condicións.
Con todo isto, desexamos que este día da Paz e non violencia, sirva para concienciarnos e mellorar o noso comportamento, xa que coa axuda de todos, podemos vivir nun mundo mellor, sen guerras, pobreza, contaminación,...
Para finalizar, con un pareado querémosvos agasallar:
Para a paz alcanzar, a violencia debe acabar!!
Todo o centro aprendeu a canción " Pequeño planeta" como lema para este ano. Con ela cantamos e gravamos un vídeo representativo que podedes ver a continuación:
Pasámolo xenial!
BOOKTUBERS XANEIRO 2020
Enviado por Administrador o Lun, 27/01/2020 - 15:41Que ben explicas os contos os nosos alumnos e alumnas! se queredes velos poñédelle un ollo o seguinte vídeo...
CHARLA EDUCATIVA SOBRE O USO DAS NOVAS TECNOLOXÍAS
Enviado por Administrador o Ven, 24/01/2020 - 11:09O día 21 de xaneiro tivemos no centro unha charla sobre "os riscos asociados ás novas tecnoloxías e o uso das redes sociais" para o alumnado de 5º e 6º de primaria, impartida pola Garda Civil.
22 DE XANEIRO FESTIVO LOCAL
Enviado por Administrador o Mar, 21/01/2020 - 15:36Recórdase ás familias que mañán día 22 de xaneiro non haberá clases por ser festivo local.
CONTO DE NADAL 2019: O APALPADOR E OS SEUS AMIGOS
Enviado por Administrador o Ven, 17/01/2020 - 15:06![](http://www.edu.xunta.gal/centros/ceipsanvicenzo/system/files/LOGO%20NORMALIZACI%C3%93N%20PARA%20WEB.png)
SUSPENSIÓN DE CLASES POR ALERTA XOVES 16 DE XANEIRO 2020 A PARTIR DAS 12:00
Enviado por Administrador o Xov, 16/01/2020 - 12:33Ante novo aviso de alerta e posibilidade de inundación do centro SUSPENDENSE AS CLASES O XOVES 16 DE XANEIRO DE 2020 a partir das 12 da mañan. O alumnando que se despraza en bus será levado ás paradas correspondentes polo que se prega ás familias que estén atentas,a partir das 12 empezarán a chegar. As familias que teñen que recoller aos nenos no centro poden vir a recollelos. Darase tamén aviso a través do teléfono.
ALERTA POR CHUVIAS DE MÁIS DE 90 L/M2 XOVES 16 DE XANEIRO 2020
Enviado por Administrador o Xov, 16/01/2020 - 11:27Infórmase que segundo a alerta meteorolóxica (aviso da Policia Local/ Protección Civil) espéranse chuvias de ata 90l/m2. Prégase ás familias que estén atentas ante a posibilidade de inundación do colexio ao longo da mañan, polo que poden ter que vir recoller aos nenos/as. As clases non foron canceladas polo momento. As familias poden tomar as decisións que consideren oportunas no relativo aos seus fillos.
FELICES FESTAS!
Enviado por Administrador o Xov, 19/12/2019 - 16:13O Claustro do CEIP Plurilingüe San Vicenzo de Vimianzo deséxamoslles unhas FELICES FESTAS!!
- « primeira
- ‹ anterior
- …
- 24
- 25
- 26
- 27
- 28
- 29
- 30
- 31
- 32
- …
- seguinte ›
- última »
![RSS - blogs Distribuir contido](/centros/ceipsanvicenzo/misc/feed.png)