CONCURSO ANPA 15 DE MAIO
Publícanse as bases do concurso entre todo o alumnado do colexio para o deseño dun logotipo para ANPA "15 de Maio".
BASES DO CONCURSO PARA O DESEÑO DUN LOGOTIPO PARA APA 15 DE MAIO DE DUMBRÍA
PREÁMBULO: A APA 15 de maio do CEIP Plurilingüe Santa Eulalia de Dumbría non dispón dun logotipo que a identifique dun xeito fácil e inequívoco. Por esta razón, convócase un concurso de deseño do logotipo entre todo o alumnado do colexio.
BASES DO CONCURSO:
1. Obxectivo: Deseño do logotipo destinado a se-la imaxe da APA en toda difusión de información e redes sociais.
2. Requisitos: O logotipo deberá reflexar a natureza da APA e do colexio e, se fora posible, a orixe do nome 15 de maio. (O 15 de maio de 1998 foi a data na que se producía unha grande mobilización para a reclamación que a ESO quedara en Dumbría)
3. Participantes: Poderán participar no concurso tódolos alumnos do centro. Cada concursante só pode presentar un deseño e de forma individual.
4. Proposta: O deseño será orixinal.
5. Documentación: Deseño en tamaño 21x21. O centro seleccionará a forma máis cómoda para facer visibles os debuxos. Na parte traseira, de forma que non sexa visible, identificarase o autor do deseño co nome e apelidos e o curso.
6. Prazo de Presentación: O prazo para presentar os deseños acabará o 27 de marzo.
7. Xurado: O xurado encargado de valorar as propostas estará formado por: a. Un membro do profesorado do centro b. Un membro da xunta directiva da APA. c. Unha nai/pai do centro. Na medida do posible, ningún membro do xurado debe saber quen é o creador do deseño. ANPA 15 DE MAIO CEIP Plurilingüe Santa Eulalia 15151 – Dumbría anpa.15demaiodumbria@outlook.es
8. Acordo do xurado: Entre tódolos deseños presentados, o xurado elixirá un total de 6 premios. Un por aula e un gañador do centro. Os premios non son acumulativos, o gañador do centro non pode selo tamén da aula.
9. Dotación do premio: A APA concederá ó gañador do cole un bono de 50 euros e 5 premios (un por aula) de 15 euros para gastar nunha librería elixida pola APA.
10. Propiedade intelectual: O logotipo premiado quedará en propiedade exclusiva e permanente da APA 15 de maio, que terá completa liberdade para utilizalo total ou parcialmente no momento e forma en que considere preciso.
11. Publicación: A participación no concurso presupón a aceptación das presentes bases en todos os seus termos. O fallo farase público na páxina web do centro e no grupo da APA o 30 de marzo. As bases poderán ser consultadas na web do colexio e no grupo da APA. A APA resérvase o dereito de adaptación do logotipo segundo as necesidades do uso do mesmo. Realizarase unha presentación do logotipo no Centro no que tamén se fará a Entrega do premio ós gañadores.
A xunta directiva
PROCEDEMENTO ADMISIÓN ALUMNADO CURSO 2023/2024
O prazo de presentación de solicitudes de admisión para o curso 2023/2024 será do 01 ao 20 de marzo, ambos inclusive.
A previsión inicial de postos escolares ofertados no centro pode consultarse pinchando aquí
O alumnado matriculado nun centro docente ten garantida a súa permanencia nel. Polo tanto, o cambio de curso, ciclo, nivel ou etapa non requerirá un novo procedemento de admisión, agás que implique cambio de centro.
As solicitudes poderán presentarse por vía electrónica, mediante o formulario normalizado dispoñible na aplicación informática admisionalumnado e de xeito presencial no centro docente. A solicitude deberá estar asinada por calquera das persoas proxenitoras, debendo constar o consentimento expreso da outra persoa proxenitora no anexo de comprobación de datos dos membros computables da unidade familiar. No caso de separación ou divorcio, será necesario a sinatura de ambos/as proxenitores/as, agás que a custodia estea atribuída con carácter exclusivo a un deles. (Ver artigo 12 da Orde do 21 de outubro de 2022 pola que se desenvolve o Decreto 13/2022. do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación).
O horario de atención ao público é o seguinte: de luns a venres, de 10.00 a 10.50 horas; mércores, de 15.40 a 16.30 horas.
Xornada de portas abertas: 01 de marzo, de 10.00 a 11.40 horas.
O CEIP Plurilingüe Santa Eulalia de Dumbría está adscrito ao IES "Agra de Raíces".
Contamos cos servizos de comedor de xestión directa e de transporte.
A publicación da listaxe provisional de admitidos será antes do 25 de abril.
A publicación da listaxe definitivo de admitidos será antes do 15 de maio.
O prazo para formalizar a matrícula será do 20 ao 30 de xuño, ambos incluídos.
Poden descargar os formularios para a admisión nos seguintes enlaces:
Solicitude admisión (castelán)
Documentación complementaria para presentar no centro: copia do libro de familia, certificado de empadronamento, fotocopia DNI proxenitores, fotocopia cartilla sanitaria, certificado médico (no caso de intolerancias alimentarias, alerxias...), 4 fotos tamaño carnet.
ENTROIDO 2023
Neste Entroido 2023 o alumnado do centro disfrutou dunha chocolatada e do desfile de disfraces no patio do centro na sesión de mañá.
Na sesión de tarde, realizáronse diferentes xogos tradicionais:
TALLER EDUCATIVO PILABOT
O venres 03 de febreiro tivo lugar un taller educativo sobre a participación do noso centro no Concurso Pilabot.
Asistiu todo o alumnado de Educación Primaria e realizouse un xogo mediante Kahoot empregándose tablets:
OBRADOIRO DE REGUEIFA
O xoves 19 de xaneiro, a través do Concello de Dumbría, realizouse un obradoiro de regueifa na biblioteca do noso centro para o alumnado de 5º/6º de Educación Primaria e dirixido por Lupe Blanco:
CONCURSO PILABOT
Estimadas familias:
O centro está participando actualmente nun concurso promovido pola Dirección Xeral de Calidade Ambiental, Sostibilidade e Cambio Climático da Consellería de Medio Ambiente, Territorio e Vivenda.
Pilabot é un concurso en centros educativos de educación primaria e secundaria de Galicia para fomentar a recollida selectiva de pilas e acumuladores portátiles entre o alumnado e as súas familias.
O concurso comezou o día 30 de xaneiro de 2023 e rematará o día 10 de marzo do 2023.
Consideraranse pilas e acumuladores portátiles calquera pila, pila botón, acumulador ou batería que estea precintado, pode portarse coa man e non sexa industrial nin de automóbiles.
Unha vez finalizado o prazo do concurso, o 14 de abril do 2023, daranse a coñecer os dous centros que máis pilas recolleron en total.
- « primeira
- ‹ anterior
- …
- 13
- 14
- 15
- 16
- 17
- 18
- 19
- 20
- 21
- …
- seguinte ›
- última »