Día 3. Semana 7.

Bo día, familias!

Hoxe propoñemos unha actividade que xa temos feito: debuxar a portada ou o personaxe dun conto. Para iso cada neno ou nena ten que escoller un dos contos que máis lle guste dos que tedes en casa. En primeiro lugar, pedídelle que vos conte o argumento: “De que iba este conto?”. A continuación, lede o conto para revisar se o recordo do argumento era correcto. Tratade de que sexa o neno ou nena quen complete ou corrixa o argumento inicial. De esta forma traballamos memoria e linguaxe comprensiva. A continuación tócanos analizar a portada: “Reflexa ben o argumento do conto? Poderíamos pensar outra forma de facelo?”. Tamén procuramos as imaxes dos personaxes do conto e lle pedimos ao neno ou nena que nolos describan. Para finalizar, pedímoslle que debuxen ou ben a portada ou un ou varios dos personaxes nun folio. Unha vez debuxado, toca darlle cor. Finalmente poden escribir o título do conto ou o nome dos personaxes. 

A continuación presentamos unha foto traballando este aspecto na escola, neste caso concreto, usando a técnica da acuarela, pero vós podedes usar calquera.