Día 4. Semana 4
Bo día, familias!
Hoxe é o aniversario de Amaia, da aula dos Millos, así que en primeiro lugar queremos felicitala. PARABÉNS, AMAIA!! HOXE XA CUMPLES 5 ANOS!!!
E hoxe como proposta traemos un OBRADOIRO DE RECORTADO: “A perruquería de papel”.
A idea é que cada neno e nena se converta nun perruqueiro. En primeiro lugar terán que debuxar as caras da súa clientela, deixándolles uns pelos moi longos, como na seguinte foto:
Para facer o cabelo de cada cliente, unha persoa adulta pode recortalo directamente ou debuxar liñas rectas para que sexan eles mesmos quenes os recorten. E despois….a xogar! lembrade facer peiteados diferentes, tinguir o pelo de cores, poñer mechas…. sede creativos e creativas!!!
E como queremos insistir na importancia das ACTIVIDADES DE MOVEMENTO, queremos lembrar que no apartado de Educación física do blog, Fabián e Rubén seguen a colgar propostas. E nós, a maiores propoñemos a seguinte: CAMAREIRO, PRECISO UN SALEIRO!
Definide un percorrido pola casa: ao comezo do percorrido se sitúa o/a camareiro/a xunto con diferentes obxectos e unha bandexa, ao final do percorrido outra persoa que demanda a axuda dese/a camareiro/a. Ao ritmo de “camareiro/a, por favor, un saleiro!”, a crianza collerá un obxecto e pousarao na bandexa. Despois, paseniño para que non caia, levará o obxecto na bandexa ata o outro lado, para entregarllo ao cliente que o solicitou. Para traballar a atención debedes de dicir o nome do obxecto que o camareiro/a ten que poñer na bandexa. De vez en cando dicide algún obxecto que non estea, xa que así o nivel de atención aumenta ao mesmo tempo que traballamos outros aspectos da lóxica matemática (negación) e da linguaxe comprensiva.
