Día 3 . Semana 2.
Queridas familias,
hoxe queremos mostrarmos algunhas fotos das cousas que están facendo na casa Eric e Sabela dos Millos, con algún irmán que se apunta a colaborar :) :
En relación ás actividades que colgamos no blog, lembrámosvos que son para que nos sintandes preto e para facervos suxestións por se vos apetece facer algunha ou vos dan ideas para outras, para nada pretenden substituír a actividade da aula.
Hoxe compartimos con vós unha proposta que nos encanta que nos achega Diego Rincón. Unha vez máis, grazas ás mestras e mestres que adican horas a facer propostas de calidade para compartir desinteresadamente.
E, como proposta de conto:
http://www.kalandraka.tv/gl/video/beaconta
Queremos indicarvos que na páxina principal da web do cole tedes un aviso para as familias con dificultades para unha alimentación saudable, xa que pode ser que teñades opcións dunha axuda a través de “Axuda en Acción”. Lembrade que, de ser o caso, debedes enviar un correo ao colexio ceip.sanpedro.visma@edu.xunta.es, non poñervos en contacto coa ONG.
