Esta semana celebramos no colexio o Samaín.

As cabazas decoraron as escaleiras de subida á aula de 5º e os corredores das dúas plantas. Tamén tivemos "invitados" nas portas das aulas, corredores e estanterías da Biblioteca.

Se picades na foto iredes á Galería de Imaxes para poder ver a Exposición de Cabazas.

Lembrade que na galería multimedia pulsando sobre a miniatura da imaxe poderedes vela a tamaño medio, unha vez aí se picades de novo no tamaño medio a veredes a tamaño completo.

Grazas a todas as familias que participáchedes nesta actividade.

O vindeiro venres 25 de outubro, a colaboración entre ANPA e colexio fará posible un ano máis a carreira solidaria contra a leucemia infantil no CEIP Sal Lence. É unha actividade englobada no programa "SOMOS UN COLE ENTRE CIEN MIL" que corre contra a leucemia infantil.

Ao longo desa semana os vosos fillos/as levarán para casa a circular informativa que con un pouco de maña se convertirá no sobre onde poderedes enviar a vosa donación voluntaria.

Non hai un importe fixo, e por suposto reiteramos que ten carácter voluntario. 

Como orientación deberedes saber que toda donación suma minutos de investigación contra a leucemia infantil:

2 € equivalen a 8 minutos de investigación

5 € equivalen a 20 minutos de investigación...

Animádevos a participar e enviar o voso donativo dentro do sobre que se entregará e que persoal da ANPA recollerá en cada unha das portas de entrada ao cole o venres 25 de outubro, día da carreira.

Seguro que entre todos podemos axudar a vencer a leucemia infantil!

 #VueltaAlColeUnoentrecienmil

No seguinte enlace tedes a

• CIRCULAR INICIO DE CURSO 24/25

O novo alumnado de Ed. Infantil 3 anos será recibido coa súa familia, na súa aula, o mércores 26 de xuño ás 11 horas. Esperámosvos!!