Noraboa a Iria Acosta de 4ºB, unha das gañadoras do concurso de Educación vial Ancas e grazas a todos os nenos que participaron nel.

O 3 de decembro celébrase o Día Internacional das persoas con discapacidade. Declarado en 1992 pola Asemblea Xeral das Nacións Unidas, ten como obxectivo promover os dereitos e o  benestar das persoas con discapacidade en todos os ámbitos da sociedade, así como concienciar sobre a súa situación en todos os aspectos da vida.

O departamento de orientación do centro recoméndanos  algúns recursos de interese tales como libros, contos e curtametraxes para abordar este tema coas nenas e nenos. Preme aqui para acceder a estes recursos

No DOG do venres 13 de novembro de 2020 saíu publicada a ORDE do 6 de novembro de 2020 pola que se regulan os criterios e o procedemento de distribución de máscaras entre o alumnado. 

ALUMNADO DESTINATARIO

Alumnado matriculado en educación primaria, educación secundaria obrigatoria e educación especial: 

a) Non ten que presentar solicitude: o alumnado beneficiario da axuda de material escolar no curso 2020-2021. 

b)  Ten que presentar solicitude: o alumnado que non foi beneficiario da axuda de material escolar no curso 2020-2021 que cumpra algunha das seguintes condicións:

 • Que pertenza a unha familia cunha renda per cápita igual ou inferior a 6.000 €. 

• Alumnado matriculado en educación especial. 

• Alumnado suxeito a tutela ou garda da Xunta de Galicia. 

• Alumnado cun grao de discapacidade igual ou superior ao 65%.

FORMA E PRAZO DE PRESENTACIÓN DA SOLICITUDE

 De forma presencial no centro do 16 ao 27 de novembro  utilizando o formulario normalizado (anexo I) dispoñible neste enlace  e na secretaría do centro

Unha vez rematado o prazo sairá unha lista provisional que se poderá reclamar nos dous días seguintes e unha definitiva posteriormente. 

Unha vez finalizado este prazo avisarase por este canle e pola aplicación abalar do procedemento de distribución das máscaras. 

O venres 9 de outubro os nenos e nenas de 5º EP: OS QUINTIÑOS NA SAGRADA participamos na carreira ENKI 2020 pola integración e a inclusión. 

Se premas sobre as imaxes inferiores verás a revista con toda a información e fotos da nosa participación e o video resumo. Pasámolo xenial e sentímonos orgullosos de poder sumar nesta iniciativa. 

E, ainda que non é o máis importante, conseguimos varios premios: o primeiro premio a "Baile coreografía máis orixinal" e tres segundos premios.

              ver en Vimeo

Comezamos un novo curso, diferente a todos os anteriores e marcado pola situación sanitaria actual. Haberá cambios que nos afectarán a todas as familias e profesorado, polo que a colaboración e apoio de toda a comunidade educativa vai ser fundamental pensando sempre no ben dos nenos.

A continuación detállase toda a información referida ao comezo do curso. Ademais o titor poñerase en contacto para informarlle das reunións de titoría.

Seguindo as instrucións da Consellería, o inicio do curso será escalonado en dous días.

DIA10 DE SETEMBRO

11 DE SETEMBRO

 As reunións de inicio de curso cós titores adiántase aos días 8 e 9 de setembro. No cadro están os grupos de cada día. O titor poñerase en contacto para informarlle da quenda que lle corresponde. 

Soamente pode acudir un proxenitor por neno, con mascarilla. Pregámoslles puntualidade e a evitación de aglomeracións sobre todo na entrada e saída entra das quendas.