CEIP Rosalía de Castro

Abrimos o prazo para solicitar as actividades extraescolares que nos oferta o Concello de Lugo para este curso 2024 - 2025.

As actividades son gratuítas para o alumnado.

O periodo de inscrición vai do día 1 de outubro ata o 9 de outubro, ambos incluídos. O día 11, publicarase a lixtaxe definitiva do alumnado admitido en cada unha das actividades ofertadas.

O comezo das mesmas será o día 16 de outubro.

No documento adxunto está a ficha de inscrición  no programa de actividades subvencionadas pola Concellería de Educación do Concello de Lugo. Podedes descargar a ficha, cubrila, entregala ou mandala polo correo do centro educativo; ou ben, solicitala na secretaria do centro onde vos facilitaremos unha copia da mesma.

 INSCRICIÓN COMEDORES ESCOLARES. CURSO 2024 - 2025

As persoas interesadas en solicitar o alta no servizo como usuarias, deberán rexistrarse a través da nova APP de comedores COLECHEF. 

• Información e condicións do servizo
• Como rexistrarse na app
• Manual de contratación de servizos

Máis información na Web do Concello de Lugo: 

Servizo Municipal de Comedores Escolares

 O servicio de comedor estará disponible dende o primeiro día lectivo, o mércores 11 de setembro, e o servicio de madrugadores, dende o xoves, 12 de setembro.

Saúdamos a todo o alumnado e familias do centro e damos a benvida a este novo curso escolar.

• As clases iniciaranse o día 11 para todos os cursos de Educación Infantil e Educación Primaria, agás 4º de Educación Infantil que están co período de adaptación, en horario continuo de 9:00 a 14:00. 
• O alumnado de 1º, 2º, 3º de primaria teñen á entrada e a saída por Rúa Cambria. As familias do alumnado de 1º de primaria poderán entrar acompañando aos seus fillos e fillas ata a súa aula e alí serán atendidas polas mestras titoras. Non se trata dunha reunión formal senón de que coñezan a ubicación e saiban que grupo lles corresponde.
• O alumnado de 4º, 5º e 6º teñen a entrada e a saída por Marina Española. 
• O alumnado de Educación Infantil será recibido polas titoras o primeiro día para indicarlles a que aula vai cada curso.
• Os libros do alumnado de 3º e 4º de primaria serán entregados polos titores/titoras nos primeiros días do curso.

Seguide atentos/as á web para recibir información detallada e puntual de todo o que acontece neste curso.

Publicamos a listaxe de libros de texto para o curso 2024 - 2025. (Anexos)

Noutro documento incluímos o material para os cursos de Educación Infantil. 

Para o resto dos cursos de primaria, a lista de material será entregada polos titores/as a principios do vindeiro curso.

* na listaxe de 1º e 2º hai un erro na data pero os libros están correctos e son os que se piden para o curso 2024 - 2025.

PRAZO DE MATRÍCULA: do 20 ao 30 de xuño

Documentación necesaria  para formalizar a matrícula.  (Ler nos Anexos)

1- Documento de formalización da matrícula. 

2- Impreso para formalización de matrícula. 

3- Autorización para o uso da imaxe persoal do alumnado.

4. Autorización para as saídas complementarias e extraescolares

6- Cuestionario para as familias sobre a lingua materna (só o alumnado de 3 anos). 

As familias do novo alumnado tamén poden obter a documentación para formalizar a matrícula na secretaría do centro.

Normativa que regula o proceso de admisión e matrícula

Prazo de solicitude: do 21/5/2024 a 21/6/2024, incluídos

Texto da convocatoria:  ORDE do 7 de maio de 2024 (DOG do 20 de maio)

Forma de presentación de solicitudes:

• Electrónica: utilice esta aplicación e presente solicitude na Sede Electrónica[iniciar]. IMPORTANTE: na presentación electrónica deberá presentar unha solicitude individual para cada un dos seus fillos. NECESITARÁ ter: A) conta de Chave365, ou B) ter instalado certificado dixital (guía) ou DNI electrónico e máis a aplicación Autofirma
• Presencial con asistencia da aplicación : cubra os datos nesta aplicación, imprima os Anexos I e II producidos e presenteos no centro educativo [iniciar].
• Presencial manual: cubra os Anexos I e II da Orde da convocatoria e presénteos no centro educativo.

O alumnado que non estea admitido nin coñeza en que centro vai estar escolarizado no curso escolar 2024-2025, deberá presentar a solicitude no centro no que está matriculado no curso 2023-2024.

As solicitudes por incorporación ao centro educativo fóra do prazo establecido poderán presentarse unicamente de xeito presencial no propio centro, ata o 31/3/2025.

Documentación complementaria:

• Especificase no artigo 11 da Orde de convocatoria
• NON será necesario xuntar coa solicitude os DNIs, NIEs, acreditacións de discapacidade expedidas pola Xunta, acreditacións de pensión por incapacidade, ou declaracións de IRPF, sempre que NON sinale oposición á comprobación telemática pola administración (para a declaración de IRPF requírese autorización expresa) [artigo 12 da Orde de convocatoria]
• A administración poderá reclamar a presentación de documentación cando non sexa posible a verificación por vía telemática

Máis información

• Solicitude de admisión mediante a presentación do Anexo II e Anexo II-bis (Ver Anexos) no centro solicitado no primeiro lugar de preferencia: 1-20 de marzo.
• Presentación da documentación acreditativa dos criterios de baremo (só no caso de houber maior número de solicitudes que de prazas ofertadas): 21 de marzo ao 5 abril, ambos os dous incluídos.
• Publicación das tistaxes provisionais de persoas admitidas e non admitidas: o 25 de abril.
• Reclamacións ás listaxes provisionais: nos 5 días hábiles contados a partir do seguinte ao da súa publicación.
• Publicación das íistaxes definitivas de persoas admitidas e non admitidas: o 15 de maio.
• Adxudicación subsidiaria de praza noutro centro ao alumnado non admitido (por parte da comisión de escolarización, tendo en conta os centros solicitados no modelo EDSSOB no 2º lugar e seguintes). 
• MATRÍCULA: Formalización da matrícula en E. Infantil e Primaria: 20 de xuño —01 de xullo.
• Máis información detallada no documento incluído nos Adxuntos.

XORNADA DE PORTAS ABERTAS PARA A ADMISIÓN DE ALUMNADO PARA O CURSO 2024 - 2025.

Imos ter unha xornada de portas abertas para que coñezades o centro educativo e preguntedes todas as dúbidas que vos poidan xurdir no caso de querer matriuclar aos vosos fillos/ no noso centro.

Se non podedes acudir, podedes chamar por teléfono para concertar unha cita, ou a través do noso correo ceip.rosalia.lugo@edu.xunta.gal. Para máis información e ver as actividades que realizamos podedes entrar na páxina web do centro, ou nas redes sociais do centro que figuran no cartaz que adxuntamos.

AGARDÁMOSVOS!

As familias que queiran que @ seu/súa fill@ estude 1º de Educación Secundaria Obrigatoria no IES Lucus Augusti, centro de adscrición do CEIP Rosalía de Castro, terán que entregar a solicitude de reserva de praza do día 15 de xaneiro ao 5 de febreiro na secretaría do noso centro (Anexo I). Tamén poden presentar a solicitude na sede electrónica da Xunta de Galicia ou a través da aplicación admisionalumnado (https//www.edu.xunta.es/admsionalumnado).

O día 22 de febreiro o centro de adscrición e o centro de orixe, anunciarán se hai prazas suficientes para as solicitudes de reserva presentadas.

Se hai praza para todas as reservas, a solicitude é vinculante, polo que terán que matricularse nese centro no prazo ordinario, do 1 ao 20 de marzo.

De non querer a praza concedida, poden renunciar á mesma antes do día 1 de marzo e solicitar outro centro durante o período ordinario de admisión.

No caso de non haber praza para todos os solicitantes de reserva, deberán participar no proceso de admsión, tendo preferencia para o centro de admisión os que participaran na reserva.