O premio foi entregado nas aulas respectivas o día 16 de maio de 2019.
Para que se poida apreciar o enorme traballo que Antonio Fraguas realizou para descubrir e transmitir a cultura galega, o pasado 24 de abril convocamos un concurso de relatos. Durante estes días, estivemos a recibir unha chea de contos nas dúas categorías. Por iso, queremos agradecer a todos e todas as participantes. Escribir non supón un traballo sinxelo e vós, rapaces e rapazas, fixéstelo. Só por iso: parabéns!
O Equipo de Dinamización da Lingua Galega (EDLG) do colexio, lidos e revisados todos os relatos e tras unha difícil decisión, decidiu conceder os seguintes premios:
Categoría de 3º e 4º de E. Primaria
Alberto David Onuegbu de 3ºA co relato A Santa Compaña
Categoría de 5º e 6º de E. Primaria
Thaïs Soares Ulloa de 6ºB co relato Entroido das irmáns
O Equipo, ademais, desexa realizar unha mención especial sen premio aos e ás seguintes participantes da primeira categoría:
- Nicolás Sanjurjo Santiago de 3ºA polo seu relato en estilo xornalístico A Santa Compaña.
- Milkias Casas Noguerol de 4ºB polo seu conto Todos sodes Entroido con grandes influencias de Toy Story.
- Lola Borja Cortiñas de 3ºA pola súa historia road trip titulada O Entroido.
- Leila Noboa González de 4ºA polo seu conto A nosa festa dos Maios cun toque a O señor das moscas de William Golding.
E tamén da segunda categoría:
- Daniel Osed de 6ºB pola historia sindical Cambio de traballo para a Santa Compaña, onde esta loita con firmeza polos seus dereitos laborais.
- Julia Ledo Sánchez de 6ºA polo seu relato Santa Compaña onde a protagonista salva da morte ao alcalde.
- Uxía Sánchez Payo de 6ºB polo delicioso conto Nubeiros? Que parvada! e as marabillosas ilustracións que o acompañan.
Todos os contos tratan algúns dos temas dos que Antonio Fraguas estudou e escribiu durante a súa vida. Imaxinastes historias sobre eles lendo os textos do propio autor e puidestes así achegarvos o gran traballo que el realizou para coa cultura galega.
