E. Primaria

Álbum: Educación Infantil 2022-2023 -> Ciencia en galego en 6º EP: pulmón artificial

Para comprender mellor como funcionan os nosos pulmóns propoñemos este pequeno experimento, que podedes realizar na casa. O material necesario é moi sinxelo:

• botella de plástico
• cinta aillante 
• 2 palliñas de plástico
• 2 globos
• 1 globo máis grande ou guante flexible

Preparados? Comezamos:

1. Cortamos a  botella de plástico (representa a caixa torácica) e facemos un pequeño burato no tapón.
2. Collemos un globo e recortamos a parte superior. Os globos representan os pulmóns. A continuación, introducimos o globo nunha palliña, que representa o bronquio e sellámola con cinta. Repetimos esta operación dúas veces, posto que temos dous pulmóns.
3. Introducimos as palliñas dentro doutra  máis longa ( a traquea).  
4. Unha vez feito  unímolas con cinta aillante, metémolas na botella.
5. Sellamos a parte superior do tapón con cinta aillante ou plastilina.
6. Na parte inferior colocamos un globo máis grande ou un guante e sellámolo con cinta. Representa o diafragma, un músculo  situado debaixo dos pulmóns que cande se contrae permite que os pulmóns se enchan de aire, polo que os globos agrandan. Cando se relaxa o aire sae dos  pulmóns e os globos quedan desinchados.

Proba a facelo. Seguro que pasarás un bo rato!!!!!

Álbum: Educación Infantil 2022-2023 -> Obradoiro de xogos de mesa en galego (2º e 3º)

Pois hoxe tocaba xogar! A xente de Brazolinda tróuxonos á biblio un fato de xogos divertidos e con tallada: algúns necesitaban que utilizásemos as matemáticas, outros os nosos coñecementos científicos, outros que traballásemos en equipo... 

Nun mundo en que a tecnoloxía asolaga todo, animamos a todo o mundo a que colla un xogo, se achegue a unha mesa e goce do pracer de XOGAR a algo que se pode tocar.