Skip to Content

Chans do Carrasco, s/n - RANDUFE - 36713 -Tui (Pontevedra)           Teléfonos de contacto: 886 110 808 e 886 110 809              Correo electrónico: ceip.randufe@edu.xunta.gal

  

 

 

 
            
      

                                                                                                   

Canción do mes de maio coa Familia Caamagno

Mar, 2024-05-07 08:22 — lauraldea

Chegou a primavera e é tempo dos maios, das Letras Galegas e.., de mover o esquelete!

Este mes de maio queremos recomendarvos a música da Familia Caamagno, un grupo de música rock de Sigüeiro. Nesta ocasión estes rapaces só queren bailar!

Escoitade!

 

 

Novo programa da Radio Escolar: 6º de Primaria

Xov, 2024-05-02 17:14 — lauraldea

Radio Municipal de Tui | Túy

Unha vez máis, o noso cole participou na Radio Municipal de Tui cunha recomendación lectora que deixou a todos os oíntes abraiados.

Nesta ocasión, a rapazada de 6º de Primaria presentou o libro Wonder que fala da diversidade, a convivencia e a empatía. 

Se non o coñeces, escoita con moita atención.

 

 

DÍA DO LIBRO 2024

Dom, 2024-04-28 23:25 — dianaal

DÍA DO LIBRO

Dentro do proxecto “Así convivimos no CEIP de Randufe....” , este ano, quixemos conmemorar o Día do Libro coa celebración dunha SEMANA INTERCULTURAL.

O respecto á diversidade é esencial para acadar una convivencia pacífica, e tendo en conta os dramas que estamos vivindo actualmente no mundo, quixemos  aproveitar a diversidade cultural que existe no noso centro para poñela en valor.

De esta forma, elaboramos  unha lista coas diferentes nacionalidades do noso alumnado e cada clase encargouse de facer un traballo de investigación sobre cada un dos países .

Finalmente prepararon uns "STANDS" para presentar o resultado que foron  visitando todos os cursos!!!

Nestes vídeos  podemos ver algúns deles!!!

 
 
Ademais deste marabilloso traballo,  ao longo da semana , cada curso contou ao resto do alumnado un CONTO típico do  seu país !!! 
  

 

 
 
 
PARABÉNS A TODOS E TODAS E... VIVA A DIVERSIDADE!!!
 
 

TUI LE

Sáb, 2024-04-27 16:46 — isabelmartinez

         O pasado día 19, o alumnado de 1º e 2º asistiu á Área Panorámica de Tui para celebrar o "Tui Le". Como levamos facendo nos últimos anos, xuntámonos cos colexios e institutos do concello de Tui para festexar a festa das letras e dos libros, contando ademais coa colaboración da Biblioteca Municipal e a Concellería de Ensino. 

        Intercambiamos libros, asistimos á actuación de "Pakolas e Laura Romero" e visitamos a exposición de carteis que fixo o alumnado participante.

        Esperamos darlle continuidade a esta celebración e animar así a todos a que se acheguen ao fantástico mundo dos libros.

 

CONTACONTOS

Sáb, 2024-04-27 16:20 — isabelmartinez

         Hai uns días tivemos a sorte de contar coa visita de Sabela Gago e David Rodríguez, que nos contaron uns contos marabillosos.                       

         Desfrutamos moito con eles!

 

 

 

                             

En galego, máis e... mellor!

Lun, 2024-04-15 16:26 — lauraldea

Estrea mundia!

Unha nova entrega dos vídeos, "Em galego máis e... mellor! 

Nesta ocasión, a rapazada de 4º nos ensina a diferenza entre sustantivos individuais e colectivos.

Non perdades a ocasión de aprender con eles!

Ollo piollo!

LISTAXES PROVISIONAIS DE ADMITIDOS/AS PARA O CURSO 2024/2025

Xov, 2024-04-04 11:53 — sclopez

Informamos que están publicadas as listaxes provisionais de admitidos/as no taboleiro do colexio e que tamén se poden consultar dixitalmente na aplicación Admisiónalumnado utilizando a Chave 365 ou Certificado Dixital.

Todas as solicitudes presentadas, foron admitidas e terán praza para o vindeiro curso. 

Poderá formular reclamación ante o consello escolar no prazo de 5 días hábiles.

As listaxes definitivas publicaranse antes do 15 de maio.

Canción do mes abril: Quen é a que canta?

Mar, 2024-04-02 08:28 — lauraldea

Na honra das festas de San Telmo e a visita das fillas de Cassandra a nosa vila, presentamos a canción de mes de abril que crearon xunto as Tanxugueiras. Así que... 

                             

                                     A BAILAR!

Radio Escolar na Radio Municipal de Tui.

Mar, 2024-03-19 09:20 — lauraldea

Ola oíntes de Radio Municpal de Tui e Comunidade do CEIP Randufe!

Hoxe, a rapazada do cole de Randufe quérevos recomendar un conto que, eles mesmos, leron xuntos. O seu título é "Un ovo de lobo". Non perdades a entrevista que lle fixeron os rapaces de 6º de Infantil aos seus compañeir@s de 3º de Primaria. 

Haiche moito talento neste cole! 

DÍA DA MULLER

Lun, 2024-03-11 19:52 — dianaal

O día  8 de marzo  reunímonos para  celebrar o Día Internacional da Muller.

Os voluntari@s de 6º de EP foron os encargados de guiar o acto e a canción de "Tataravoa" de Fillas de Casandra foi a elixida para conmemorar este día:

 Este día  non é só unha ocasión para lembrar os logros históricos das mulleres na loita pola igualdade de xénero, senón tamén aproveitamos para reflexionar sobre os desafíos que aínda enfrontan as nenas e as mulleres en todo o mundo.

Así, este ano as nosas conclusións quedaron plasmadas nestasbolboretas:


Finalmente compartir con todos e todas este DECÁLOGO realizado polos alumnos e alumnas de 3º de E.P:

 

Distribuir contido


by Dr. Radut