Inicio » Actividades complementarias » Complementarias 14-15

O mundo dos selos

Enviado por ceippio12 o Lun, 2015-03-30 09:09

 

   O mundo dos selos é unha actividade que pretende familiarizar aos escolares coas posibilidades do selo como un elemento de cultura e diversión colaborando na súa formación persoal e ao tempo que conseguir que a palabra CORREO non se identifique de xeito imediato cos e-mails.
A actividade, patrocinada por Correos e Telégrafos, consta de dúas actividades:
1. Unha exposición formada por tres espazos diferenciados composta de:
  • Espazos temáticos en torno a tres centros de interese: deportes, medioambiente e comunicación.
  • Coleccións infantís realizadas por escolares de 6 a 8 anos.
  • O mundo da filatelia: vitrinas de exposición nas que se fai un percorrido polo mundo dos selos como transmisores de valores.

2. Obradoiro de filatelia virtual con contidos adaptados á idade na que os participantes atoparán: xogos educativos sobre a historia do selo, puzzles, actividades gráficas, etc.

A exposición desenvolverase entre os días 13 e 17 de abril no CEIP Pío XII.

 

 

O día 14 ás 17:30h. realizarase a inauguración oficial da exposición con representantes institucionais, nunha xornada de portas abertas na que se entregará a un alumno ou alumna do centro o premio do concurso de debuxo “O selo da túa localidade” que consistirá nun selo de curso legal elaborado pola Fábrica Nacional de Moneda e Timbre.

 

A gañadora foi a alumna de 6ºC Sara Varela Míguez. Parabéns!
»