This is a short story about a lion king and a tiny talkative frog. Muppets were manipulated by boys and girls in class P3. Voices are from these same boys and girls and also from 3 kids from class P6.
Ao longo da semana, do 18 ao 22 de maio, o alumnado da nosa escola fixo mini-concertos para todos nós na hora de lectura. Neles amosaron as súas dotes para a música, a danza e a creatividade.
Contámosvos que na campaña levada a cabo no pasado mes de maio, o alumnado de 4º, 5º e 6º conseguiu recadar 73,88€, unha vez descontada a cantidade investida na compra de material.
En 4º fabricaron broches e marcapáxinas con deseños variados; en 5º fixeron marcapáxinas con iniciais; e en 6º decoraron botes para gardar pequenos tesouros nas casas. Foron eles-as mesmos quen decidiron que ían fabricar, os materiais que precisaban, canto ían fabricar tendo en conta a inversión que se lles permitía facer para comprar materiais, como ían decorar e eles mesmos-as se moveron pola contorna informando sobre o proxecto aos veciños-as e vendendo os productos.
Este é un programa cheo de agradecementos no que Rocío, David e Alba M. de 6º despiden, dende a Radio Municipal de Tui, esta tempada 2014-2015 da experiencia de recomendación de libros a través das ondas, e coordinan as despedidas das escolas que colaboraron ao longo do curso: Vicente Risco de Vigo, As Covas de Meaño, Chancelas de Poio, Sobrada de Tomiño e CEIP Nº2 de Tui.
Esperamos contar con todas de novo para o vindeiro curso.
RESUMO: No CEIP de Pazos de Reis fixemos un programa monográfico sobre o cómic. Recomendamos varios libros, segundo as idades dos nenos que nolos aconsellaron. Os nenos e nenas de infantil e primeiro leron cómics dos Bolechas, de Pepe Carreiro, que lles gustaron moito. Os de cuarto recomendáronnos “ Max é moi torpe”, da escritora francesa Dominique de Saint Mars, na que conta a historia de Max , ao que todos vían como un neno torpe, pero ao que o seu primo lle fai ver que con traballo todos podemos mellorar moito. Os de sexto leron “ Os Barbanzóns na noite de Samaín” de Pepe Carreiro.
Dende o CEIP As Covas de Meaño recomendáronnos este fermoso libro de Fina Casalderrey que segundo din eles, ten un final un pouco triste. Conta a historia dunha nena, Noema , que ten unha nai que traballa moito, por iso está pouco con ela. O seu pai tamén ven pouco pola casa e ela vive co seu avó, do que aprenderá moitas cousas porque é un home moi sabio, pero bastante maior e un pouco enfermo.
Os nenos do CEIP Vicente Risco de Vigo, presentáronnos este libro publicado xa no ano 1988 e que foi traducido a moitísimos idiomas, entre eles ao galego. Contáronnos cousas da biografía do autor.
Este libro conta a historia de Matilda, gran lectora e moi intelixente, moi admirada por todos, menos polos seus pais. Ten poderes estraños e marabillosos que emprega contra a maléfica señorita Trunchbull, a directora do seu cole. Contáronnos moitas historias deste libro que parece moi, moi interesante. Tamén se fixeron unha película e un musical baseados nesta historia.
Os nenos e nenas de 6º estiveron traballando cun cadro de Van Gogh, The Cafe Terrace, e música de Benjamin Britten, The Storm Interlude, dentro do proxecto común que vimos desenvolvendo coa St Joseph's School de Epsom, Reino Unido.
RESUMO: No CEIP de Pazos de Reis fixemos un programa monográfico sobre o cómic. Recomendamos varios libros, segundo as idades dos nenos que nolos aconsellaron. Os nenos e nenas de infantil e primeiro leron cómics dos Bolechas, de Pepe Carreiro, que lles gustaron moito. Os de cuarto recomendáronnos “ Max é moi torpe”, da escritora francesa Dominique de Saint Mars, na que conta a historia de Max , ao que todos vían como un neno torpe, pero ao que o seu primo lle fai ver que con traballo todos podemos mellorar moito. Os de sexto leron “ Os Barbanzóns na noite de Samaín” de Pepe Carreiro.
TÍTULO: O estanque dos parrulos pobres
