CEIP PLURILINGÜE DE OUTES

ELECCIÓN DOS REPRESENTANTES DE NAIS, PAIS OU TITORES LEGAIS DO ALUMNADO AO CONSELLO ESCOLAR

CIRCULAR INFORMATIVA

De acordo coa Convocatoria do día 5 do mes en curso, o próximo día 26 de novembro,  LUNS, en horario de 14:30 h a 18:00 h, celébrase na biblioteca deste Centro a votación para a elección de representantes dos pais, nais ou titores legais do alumnado no Consello Escolar do Colexio. Para participar na referida votación, tal como se sinalaba na Convocatoria, procederase da seguinte forma:

1º.- Quen pode votar

Teñen dereito a votar todos os pais, nais ou titores legais do alumnado matriculado no Centro que figure no Censo que ao efecto aprobou a Xunta Electora e tras a súa exposición pública regulamentaria. Tal dereito corresponde indistintamente ao pai e á nai, podendo votar ambos os dous.

2º.- Modo de emitir o voto

    * O voto será directo, secreto e non delegable

   * Os modelos de papeletas e sobres da votación serán, obrigatoriamente, os previamente fixados pola Xunta Electoral do Centro, dos que haberá cantidade suficiente no local da votación

    * Nas referidas papeletas figurarán os nomes das candidatas, por orde alfabético de apelidos, e cada elector/a deberá marcar cunha cruz un máximo dun nome, debendo acreditar a súa personalidade no momento de votar, mediante a exhibición do D.N.I. ou documento similar

    * Finalizada a votación procederase ao acto do escrutinio dos votos, que será público e, unha vez realizado, levantarse a corresponde acta

A dirección deste Colexio anima a todos os pais, nais e titores legais do alumnado a que participen na votación do próximo luns, como unha forma máis de colaboración na organización do Centro, a fin de acadar a máxima representatividade posible de pais e nais no Consello Escolar.

 A resolución de 25 de Setembro de 2018, da Dirección Xeral de Educación, Formación Profesional e Innovación Educativa da Consellería de Educación (D.O.G. 8/10/2018) establece o calendario para a celebración de eleccións de membros dos Consellos Escolares de centros de educación non universitarios. 

Principais aspectos relativos á elección dos/das representantes de pais/nais de alumnos/as.

1.- CONSELLO ESCOLAR

É o órgano de participación no centro dos diferentes sectores da Comunidade Educativa. A súa composición é a seguinte:

* Director/a do centro

* Xefe/a de estudos

* Secretario/a (con voz pero sen voto)

* 5 profesores/as elixidos/as polo claustro

* 5 pais/nais de alumnos/as (1 proposto/a pola ANPA)

* 1 representante do Concello

* 1 representante da administración e servizos

Neste curso cómpre facer renovación acordo ca lexislación vixente, no sector de pais/nais de alumnos/as, corresponde renovar 2 dos seus membros.

2.- XUNTA ELECTORAL

Todo o proceso electoral estará organizado e supervisado pola XUNTA ELECTORAL formada por:

* Director/a do centro

* 1 profesor/a (elixido en sorteo público)

* 1 pais/nai de alumno/a (elixido en sorteo público)

* 1 membro da administración e servizos (elixido en sorteo público)

3.- ELECCIÓN DE REPRESENTANTES DE PAIS/NAIS DE ALUMNOS/AS

a) Electores: Son o pai e a nai ous os titores legais (poden votar os dous) dos/as alumnos/as matriculados/as no centro e que figuren no censo de pais/nais que estará exposto no taboleiro de anuncios do colexio (convén revisar e comunicar se hai erros de omisión ou transcrición). Se Vde. non figurase no censo ou advertira algún erro, póñao en coñecemento antes do día 16 de novembro para que a secretaría proceda á súa rectificación, e o comunique á Xunta Electoral para a súa aprobación.

b) Elixibles: todos os electores son elixibles sempre e cando presenten a súa candidatura. Se Vde. quere ser candidato/a ten que solicitalo á Xunta Electoral, ben a través dunha solicitude dirixida á Xunta Electoral ou ben na conserxería co impreso oficial aprobado pola Xunta Electoral.

O prazo de presentación de candidaturas será do 6 ao 16 de Novembro (ambos dous inclusive) e débese entregar a solicitude na secretaría do centro en horario de 10:00 h a 13:30 h. A campaña electoral comprenderá dende o 20 ao 24 de Novembro, ambos días inclusive. As dependencias e servizos do Centro estarán a disposición dos/as candidatos/as, previa petición á presidenta da Xunta Electoral, sempre que o seu uso non altere o normal funcionamento educativo do Colexio.

c) Elección: A votación para a elección dos pais/nais que corresponde renovar farase entre os/as candidatos/as admitidos/as e proclamados/as pola Xunta Electoral, o vindeiro día 26 de Novembro no propio centro diante dunha mesa electoral constituída por:

- Director/a do centro (actuará como presidente/a)

- Catro pais/nais do alumnado designados/as por sorteo público entre os/as que non sexan candidatos/as (sorteo que será celebrado o día 19 de Novembro ás 12:15 h no centro).

A Xunta Electoral acordou que o horario de votación será de 14:30 h a 18:00 h. Ao remate farase o escrutinio público dos resultados.

O voto será directo, segredo e non delegable. Cada elector/a acreditará a súa personalidade mediante a presentación do DNI ou calquera documento acreditativo, e fará constar na papeleta un solo nome.

d) Supervisores: Poderán actuar como supervisores/as da votación os/as pais/nais ou titores do alumnado matriculados no colexio, ben propostos pola ANPA do centro, ben avalados/as pola sinatura de dez pais/nais.

Aquelas persoas que resulten designadas no sorteo da Mesa Electoral comunicaráselles por escrito coa suficiente antelación (ao menos 4 días antes das eleccións).

Os membros integrantes da xunta electoral, das mesas electorais e os electores que necesiten permiso laboral para o desempeño das súas obrigas expediráselles un certificado de asistencia en aplicación ao establecido na lexislación vixente.

Para máis información sobre o proceso consultar a lexislación no portal educativo da Xunta de Galicia, sección Consello Escolar de Galicia. Tamén pode Vde. pasar polo centro onde lle facilitaremos a información que precise.

Infórmase ás familias do alumnado de 5º de Educación Primaria, que a partir do Xoves 20 de Setembro poderán pasar a retirar o lote de libros asignados a cada alumno/a no Fondo Solidario.

Por motivos alleos ó centro, queda pendente o libro de matemáticas que será entregado tan pronto sexa facilitado pola Editorial.

A dirección do centro pide desculpas pola tardanza da entrega.