CEIP PLURILINGÜE DE OUTES

SAISA E AS SÚAS BIBLIOVIAXES

Lun, 17/11/2014 - 16:10 — Anónimo

Saisa estivo buscando algúns enlaces ás culturas que escolleron os titores para traballar por cursos. Tamén estivo recopilando libros. Vai pouco a pouco porque ten moito traballo pero está moi contenta porque aprendeu xa un montón de cousas. Aquí vos deixa moitos enlaces. Irá subindo máis ao longo destes días así que estade atentos! Tamén vos deixa un interesante artigo sobre a celebración do solsticio de inverno.

ROMA:

CHINA:

GRECIA

INDIA

ESPAÑA:

CELTAS:

INCAS:

EXIPTO:

AUSTRALIA:

CHARLA DE NUTRICIÓN EN 6º

Ven, 14/11/2014 - 10:32 — Anónimo

Os alumnos e alumnas de 6º tivemos a sorte de contar o día 5 de Novembro cunha interesante charla sobre nutrición. Aquí vos deixamos unhas imaxes.

OUTONEANDO EN OUTES!

Xov, 13/11/2014 - 13:36 — Anónimo

Xa temos na biblio o libro das receitas do outono!

Pasádevos para miralo!

Aquí vos deixamos unha pequena mostra do cento de receitas que chegaron das casas. Unha vez máis, moitas grazas pola vosa colaboración!

Saisa está contentísima! Mirade como sorrí na foto!

LECTURAS PROPOSTAS PARA O 20 DE NOVEMBRO

Lun, 10/11/2014 - 16:08 — Anónimo

Á biblio do cole chegou o seguinte libro que trae unhas lecturas moi interesantes para traballar os dereitos da infancia o 20 de Novembro. Aquí vos deixamos tres exemplos delas e o epílogo do libro. O prólogo é de Francesco Tonucci. Tamén vos deixamos o enlace a unha páxina con moitos recuros para traballar este tema.

20 DE NOVEMBRO, DÍA DOS DEREITOS DA INFANCIA from Patricia Pena Barbeito

SAISA E AS SÚAS BIBLIOVIAXES

Ven, 07/11/2014 - 12:58 — Anónimo

A nosa amiguiña Saisa pasoulle a fame con tantas receitas do outono. Pero agora... seica está un pouco aburrida...

Contounos que dende que chegou procedente doutro planeta, so coñece o cole e a Serra de Outes! Estivo buscando libros de lugares e culturas e está entusiasmada en iniciar unha viaxe. Axudámoslle a coñecer o mundo?

A nosa mascota é un mar de dúbidas! O primeiro que se preguntou é se en todos os lugares do mundo se celebraba o Nadal é porque. Averiguou que o Nadal e outras festas internacionais destas datas veñen de tradicións moi antigas e, sobre todo, da celebración do SOLSTICIO DE INVERNO.

Como é moi curiosa estivo mirando e mirando pola rede e atopou todos estes enlaces, xogos, fichas... e demais materiais para que investiguedes que é iso do solsticio do inverno e outras características do sistema solar.

SAISA DESÉXAVOS FELIZ BIBLIOVIAXE!

SAMAÍN E MAGOSTO

Mér, 05/11/2014 - 16:37 — Anónimo

Aquí vos deixamos en imaxes o que aconteceu o xoves 30 de Outubro. Como ides poder ver, tivemos un día moi movido!

Pola mañá fomos ver un fantástico teatro de sombras a cargo dos alumnos e alumnas de 6º e despois, por cursos, visitamos o terrorífico colexio engalanado coas vosas cabazas e moitas sorpresas máis. No recreo, de forma voluntaria, moitos achegáronse a escoitar contos de medo á biblioteca.

A tarde non foi moito menos. Primeiro, practicamos xogos populares con castañas e, para repoñer forzas, degustamos ricas castañas asadas.

A música que sona nos vídeos e de Paco Nogueiras Nodar, do seu CD titulado, "Brinca Vai" da Editorial Kalandraka e con ilustracións de David Pintor. Se queredes saber máis deste interesante proxecto picade na imaxe.

SAMAIN2014 from CEIP Serra de Outes on Vimeo.

MAGOSTO2014 from CEIP Serra de Outes on Vimeo.

RESULTADOS DAS ENQUISAS DA BIBLIOTECA

Mar, 04/11/2014 - 13:12 — Anónimo

Fai unha temporadiña pedímosvos colaboración para coñecer os vosos hábitos lectores realizando unhas sinxelas enquisas. Aquí están os resultados. Parabéns porque estades feitos uns devoradores de libros!

Agora con estes datos as persoas que formamos o equipo da biblio xa temos moito máis claro cales son os xéneros literarios que máis vos gustan, que títulos podemos mercar para que veñades a buscalos e que outros podemos dinamizar para que vos acheguedes a eles.

Unha vez máis, moitas grazas a todos e todas por colaborar e prestarnos uns segundiños do voso prezado tempo.

XORNADAS SOBRE ALIMENTACIÓN SAUDABLE

Mér, 29/10/2014 - 23:03 — Anónimo

Queriamos ensinarvos a visita dos profesores de alimentación, nutrición e exercicio saudable: P.A.N.E.S. O profesor Carmelo Cotón e a profesora Natillas elixiron a algúns nenos e nenas de 6º de Educación Infantil e 1º e 2º de Educación Primaria para realizar tarefas como: pensar un almorzo saudable, separar alimentos de orixe animal e vexetal, a importancia de facer exercicio e levar unha dieta saudable, un experimento sobre como cambiaba o noso estómago tras comer demasiadas chuches ou un estupendo rap da alimentación.

Aquí vos deixamos unhas fotos deses momentos que pasamos aprendendo a alimentarnos ben.

VIVIR EN SAÚDE from CEIP Serra de Outes on Vimeo.

CONTACONTOS NO RECREO

Mar, 28/10/2014 - 22:24 — Anónimo

AMBIENTANDO PARA O SAMAÍN

Xov, 23/10/2014 - 18:46 — Anónimo

De esta guisa está quedando... Uhhhhhhh! Que meeeedooo!! Momias, esqueletes, vampiros, cabazas... E algunhas sorpresiñas máis que irán aparecendo. Estade atentos!