CEIP PLURILINGÜE DE OUTES

PLENO INFANTIL

Mér, 17/02/2016 - 16:18 — Anónimo

Os nenos e nenas de 3º e 4º realizamos un Pleno Infantil no Concello de Outes. Fixemos os nosos propios partidos políticos con diferentes propostas, presentación das candidaturas, votacións e escrutinio. Eleximos a nosa alcaldesa infantil e teniente alcalde e, coas ideas de todos, diríximonos ao concello a presentar un manifesto.

Aquí vos deixamos algunhas imaxes do alí ocurrido. Tamén o enlace á nova do xornal e o escrito resultante que se leu no edificio consistorial.

Estas foron as nosas peticións.

Para ver a nova no xornal "LA VOZ DE GALICIA" picade na imaxe.

Se queredes ver a GALERÍA DE IMAXES deste mesmo xornal podedes picar na seguinte foto.

Aquí vedes algúns dos momentos do proceso de creación do manifesto.

PLENO INFANTIL from CEIP Serra de Outes on Vimeo.

Este é o vídeo da cantiga orixinal por se queredes escoitala.

APERTAS POLA PAZ EN INFANTIL

Mér, 17/02/2016 - 15:16 — Anónimo

APERTAS POLA PAZ from CEIP Serra de Outes on Vimeo.

CONCENTRACIÓN EN SOLIDARIEDADE COAS VÍCTIMAS DOS ATENTADOS DE FRANCIA

Lun, 15/02/2016 - 18:30 — Anónimo

Imaxes da concentración que realizamos con motivo dos atentados en Francia.

CANTIGA PARA DÍA DA PAZ

Lun, 25/01/2016 - 15:56 — Anónimo

Aquí vos deixamos a cantiga para o Día da Paz que celebraremos o venres.

ENTREGA DO PREMIO AO CAMPIÓN DE PARCHÍS

Xov, 21/01/2016 - 16:39 — Anónimo

Aarón de 5º resultou ser o gañador do campionato de parchís que se celebrou nos recreos da biblio os xoves durante o primeiro trimestre. Aquí o temos co seu premio.

Nenos de 5º curso recollendo un xogo de preguntas e respostas por ter ganado o cmapionato de parchís da biblioteca escolar.

PROXECTO EXPLORANDO OUTES

Mar, 19/01/2016 - 15:22 — Anónimo

O equipo da biblioteca pon á vosa disposición, tanto para o alumnado como para o profesorado, unha páxina recopilatoria de recursos en rede que falan de Outes e, proximamente, tamén se vos pasará un dossier con información de interese sobre o concello. Esperamos que vos sirva de axuda.

Podedes atopar esta páxina picando na imaxe e tamén, de forma permanente, entrando no blog da biblioteca no enlace de nome PROXECTO OUTES da parte superior lateral esquerda.

Compartimos tamén esta interesante infografía sobre o traballo por proxectos por se puidera ser do voso interese.

Na biblioteca haberá unha exposición permanente con libros que atopamos relacionados co concello de Outes.

Bo inicio de proxecto a todos!

Xornada de convivencia e recoñecemento da contorna cunha rota de sendeirismo

Mar, 12/01/2016 - 00:34 — fernandezleston

Primeiramente quero aclarar, como xa o fixen con parte dos implicados nesta xornada, que o motivo de subir aínda agora esta actividade non é outro que ter tido problemas coas fotografías.

Pois ben, o pasado 18 de xuño, o alumnado de 5º e 6º niveis de E. Primaria, o seu titor e a súa titora respectivamente e eu (profesora de E. F) saímos a iso das 10h en autobús cara ao lugar do Loureiro (Cando, outes). Unha vez alí, dirixímonos pola marxe esquerda do río Tambre até chegar á Central hidroeléctrica do Tambre (Sta María de Róo, Noia). Durante a rota de sendeirismo fomos reforzando contidos, previamente estudados nas aulas, e tamén os reforzamos na contorna máis próxima á central. Así, vimos por exemplo as presas de lampreas no propio río, unhas turbinas de grandes dimensións, que están no exterior da central..., pero ademais: conversamos, xogamos, gozamos daquelas marabillosas paisaxes, repuxemos enerxías con algún que outro alimento e, por suposto, fixemos exercicio. Logo, arredor das 13:30 h emprendemos o camiño de volta cara ao centro.

Esta xornada de convivencia resultou, sen dúbida, de moito proveito e á vez agradable. Pero ademais, incluso houbo algún neno que, cando baixábamos camiñando, manifestou telo pasado moi ben e considerar a saída como a mellor da súa etapa de Primaria.

Sen máis, aí van unha serie de fotografías daquela mañán... Espero que vos gusten!!!

Leer máis

Fase comarcal de campo a través, 16 de decembro do 2015, Campamento do Loreto (Porto do Son)

Sáb, 09/01/2016 - 00:21 — fernandezleston

O mércores, 16 de decembro, saímos 47 nenos e nenas (varios/as non puideron por problemas de saúde) e 4 mestres/as cara o Campamento do Loreto (Porto do Son) a iso das 10 h. Alí, ía celebrarse a 1ª xornada eliminatoria de campo a través desta tempada, a fase comarcal. Nesta xornada, foron máis de 1000 os rapaces e rapazas da bisbarra, que competiron polos preciados e desexados metais e por lograr pasar á seguinte fase de competición, a intercomarcal.

A xornada transcurriu sin incidentes relevantes pero, aínda que se acadaron 8 metais en varias categorias e que o equipo benxamín masculino logrou o primeiro posto, os ánimos estaban un pouco decaidos no regreso ao centro ... Está claro, a todos/as nos agrada seguir adiante e si, por riba, estamos habituados/as a facelo ... máis custa quedar no camiño. Pero, non pasa nada, o vindeiro ano tentarémolo de novo.

Grazas a quen, unha vez máis, nos acompañou e, evidentemente, aos rapaces e rapazas que se esforzaron e fixeron o posible por lograr os mellores resultados.

¡¡¡ Ánimo aos nenos e á nena que seguides adiante e nos representaredes na fase intercomarcal a finais de xaneiro !!!.

¡MOITA SOOOORTE meus corazóns!.

Leer máis

1ª xornada de campo a través. Toma de contacto, 20 de novembro.

Xov, 07/01/2016 - 16:53 — fernandezleston

O venres, 20 de novembro, pouco despois das 10 h., saímos dúas profesoras e un profesor cun nutrido grupo de alumnos/as das categorías: benxamín, alevín e infantil de ámbolos dous sexos cara o Estadio de San lázaro (Noia). A maioría ían ilusionados e con moitas ganas de lograr metais, aínda que tamén levaban nervos e, en certa medida, algo de medo ao descoñecido, pois para algúns/has era a primeira xornada de competición. Unha vez alí, recolléronse e repartíronse os dorsais e a competición empezou pouco despois.

Como ven sendo habitual, algúns pais, nais, outros familiares e amizades tiveron a xentileza de achegarse deica o estadio e, alí, ademais de acompañarnos e animar ao alumnado, axudaron a quen o precisou.

A xornada transcurriu sen incidentes para nós e varios nenos e nenas, de distintos equipos, acadaron os preciados metais, polo que todos/as retornamos ao colexio ben ledos a iso das 13h.

Noraboa a todos/as ..., gañadores ou non e, por suposto, grazas a todos/as aqueles que sempre que poden están aí, dándoo todo con nós, faga frío ou calor.con nós

Que ninguén esqueza que o máis importante é a práctica deportiva en si, aínda que todos/as sabemos que si ven acompañada de metais, mellor que mellor...

Leer máis

Coñecendo a cultura de Galicia: O APALPADOR

Mar, 05/01/2016 - 01:25 — Anónimo

Na clase de 3º ademais de facer cociña creativa para fin de ano tamén realizamos o noso particular Apalpador e coñecimos algo máis da cultura galega. Fíxonos falta pan de molde, queixo en lonchas Cheddar e uvas pasas. Igual que no caso do porco espiño calculamos prezos e o seu valor nutricional chegando á conclusión de que é máis sano o prato que contén a froita que este. A continuación mostrámosvos o resultado da nosa investigación a través de Internet deste personaxe e como quedou finalmente a receita. Bo proveito!