Centro de pedagoxías vivas e activas
LIBROS DE TEXTO 24/25
Adxunto | Tamaño |
---|---|
LIBROS 1º EP 24-25.pdf | 98.65 KB |
LIBROS 3º EP 24-25.pdf | 90.95 KB |
LIBROS 4º EP 24-25.pdf | 114.48 KB |
LIBROS 6 EI 24-25.pdf | 92.8 KB |
LIBROS 2º EP 24-25.pdf | 131.04 KB |
SOLICITUDE DE TRANSPORTE E COMEDOR
Apertura do prazo de solicitude de transporte e comedor do 17 de xuño ao 2 de xullo.
Poden descargar as solicitudes nos arquivos adxuntos.
Adxunto | Tamaño |
---|---|
Solicitude comedor 24-25.odt | 102.78 KB |
Solicitude transporte 24-25.odt | 102.47 KB |
autodeclaracion 24-25.pdf | 809.21 KB |
Instrución 1-2024_XD_vdef_asinada.pdf | 424.08 KB |
XABIER DÍAZ
Dentro do proxecto de música do centro, tivemos o privilexio de contar cun convidado de excepción. Nada máis e nada menos que Xabier Díaz!
Acompañou ós nenos e nenas de 6º de Educación Infantil e as súas mestras, aportándolle unha visión ampla e clara da tradición oral galega.
Presentou instrumentos que descoñecían, ensinoulles coplas e acompañounos tocando a súa pandeireta mentres os nenos e nenas lle adicaban unha das súas cancións.
Brindouse a asinar tódalas pandeiretas que chegaron ás súas mans, ademais de doar un exemplar de toda a súa discografía para a biblioteca.
OS XIRASOIS
Pero que bonito se está poñendo o noso colexio! Se o outro día vos ensinabamos o fantástico mural que nos pintou Nana, desta vez foron os propios nenos e nenas do colexio os que crearon unha preciosa obra.
Os alumnos e alumnas de arts and crafts da mestra Beatriz Fernández fixeron milleiros de boliñas de papel que logo se foron xuntando e voilá! crearon este fermoso cadro que xa podemos ver na subida das escaleiras de Primaria.
Se vides polo centro, aproveitade para desfrutar destas fermosas obras de arte
OS SUPERPODERES DE IAN
O día 16 de abril tivemos a gran sorte de contar no cole coa visita de Carmen.
Carmen é a avoa de Ian, un neno que naceu cunha enfermidade moi descoñecida que só teñen 25 nenos en España: a Hemiplexia Alternante da Infancia.
Carmen contounos que precisamos coñecer a enfermidade para poder atopar unha solución e que a investigación é moi necesaria para poder facelo.
Para axudar á investigación, Carmen escribiu xunto ao seu fillo Luca, de 4 anos "Los superpoderes de Ian", un conto onde Luca nos conta como descubriu o que lle pasaba ao seu sobriño.
Nesta visita que nos fixo Carmen descubrimos, experimentamos e emocionámonos coa súa historia.
Animámosvos a descubrir máis sobre eles nas súas redes sociais.
NIEVES A ENFERMEIRA
Este ano, o día da saúde estivo adicado ás enfermeiras. Por iso, no noso colexio quixemos facerlle unha pequena homenaxe á enfermeira máis importante para nós, xa que é a encargada de coidar ós nosos nenos/as. Ela é Nieves e todos e todas a queren moito, como lle quixeron demostrar cos seus traballos; aínda que ás veces teña que poñerlles algunha que outra pincha.
Neste vídeo podedes ver que bonito nos quedou o agasallo e tamén como llo entregaron a Nieves
APERTURA DO PRAZO PARA SOLICITAR AXUDAS PARA O ALUMNADO CON NECESIDADES ESPECÍFICAS DE APOIO EDUCATIVO ( BECAS NEAE)
PRAZO: DO 30 SE ABRIL AO 13 DE SETEMBRO.
Recoméndase entregar a documentación antes do 26 de xullo.
Teñen toda a información no seguinte enlace
https://www.becaseducacion.gob.es/becas-y-ayudas/ayudas-apoyo-educativo/...
DÍA DO LIBRO
Para festexar o día do libro, no colexio fixemos os apadriñamentos lectores, no que os maiores do cole lle leron contos ós pequenos. O día acompañounos e permitiunos poder facer a actividade ó aire libre.
Esta actividade sempre resulta moi proveitosa, xa que ademais de incentivar a lectura, realizamos unha actividade en común con todos os nenos e nenas do cole, na que se crea un vínculo entre os pequenos e os maiores
MURAL DA BIBLIOTECA
O noso corredor da biblioteca xa non volverá ser o mesmo. Cambiamos un corredor triste, deslucido, sen luz... nun paseo por un mundo de cores.
A artista Nana creou un fantástico mural cheo de cores, de libros, música... que de seguro fará que os nenos e nenas que pasen por el entren con máis gañas para crear belas
composicións na aula de música ou empaparse de aventuras e novas historias na nosa biblioteca.
Moitas grazas á ANPA por axudar a facelo posible e moitas gracias a Nana por deixarnos desfrutar do seu bo facer.