blogue detic3

O pasado venres festexamos no centro o magosto, con xogos populares, música e por suposto con castañas. Para iso contamos cun castañeiro que no las deu asadas e quentiñas. Estaban ben ricas!

     Xa chegou o Samaín! e por suposto quixemos festexalo. Para iso decoramos todo o centro e tamén fixemos xogos no ximnasio. O día 30 os nenos/as e o persoal do centro viñeron disfrazados de cousas terroríficas.

Se clicas na imaxe podes ver fotos 

Este mes os mestres e mestras do colexio estivemos formándonos en distintos temas para estar ben preparados para afrontar o curso. 

A primeira formación foi sobre PRIMEIROS AUXILIOS, algo que como mestres/as é moi necesario, xa que ó longo da xornada poden darse situacións accidentais cos alumnos /as e é interesante estar preparados para afrontalas, xa que diso pode depender a vida do neno/a.

Neste caso, contamos coa colaboración desinteresada de Jesús Rey Ferreiro, técnico do 061, que nos deu unha charla práctica moi amena e proveitosa.

Dentro do proxecto de música do centro, tivemos o privilexio de contar cun convidado de excepción. Nada máis e nada menos que Xabier Díaz!

Acompañou ós nenos e nenas de 6º de Educación Infantil e as súas mestras, aportándolle unha visión ampla e clara da tradición oral galega.

Presentou instrumentos que descoñecían, ensinoulles coplas e acompañounos tocando a súa pandeireta mentres os nenos e nenas lle adicaban unha das súas cancións.

O día 16 de abril tivemos a gran sorte de contar no cole coa visita de Carmen.

Carmen é a avoa de Ian, un neno que naceu cunha enfermidade moi descoñecida que só teñen 25 nenos en España: a Hemiplexia Alternante da Infancia.

Carmen contounos que precisamos coñecer a enfermidade para poder atopar unha solución e que a investigación é moi necesaria para poder facelo. 

Para axudar á investigación, Carmen escribiu xunto ao seu fillo Luca, de 4 anos "Los superpoderes de Ian", un conto onde Luca nos conta como descubriu o que lle pasaba ao seu sobriño.