CEIP Novo Mesoiro

Queridas familias:

Publicada a ORDE do 29 de abril de 2022  pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022/23 (código de procedemento ED330B).

Poderase solicitar:

- Fondo solidario de libros de texto do alumnado matriculado en 3º,4º, 5º e 6º de E.P.

- Axudas para adquirir libros de texto destinadas ao alumnado de 1º e 2º de E.Primaria.

- Axudas para material escolar destinadas ao alumnado matriculado en E.Primaria.

Por suposto, para a concesión destas axudas terase en conta a renta per cápita da unidade familiar, situacións de garda ou tutela...(Ver bases da convocatoria).

PRESENTACIÓN DE SOLICITUDES:

O prazo para presentar solicitudes iniciarase o día 19 de MAIO e rematará o día 22 de XUÑO de 2022 (este incluído).

As solicitudes presentaranse preferiblemente por vía electrónica no formulario normalizado (ED330B-anexos I e II) dispoñible na aplicación fondolibros, a través da sede electrónica da Xunta de Galicia, https://sede.xunta.gal; ou ben  na secretaría do centro (de forma presencial) en horario de LUNS (09:15 - 09:50) e XOVES (13:10 - 14:00).

*(Deberase traer copia da primeira folla para compulsar)

*Deixamos en adxunto os ANEXOS para descargar e na conserxería tamén  teñen dispoñibles as copias impresas.

* Documentación Complementaria:

As persoas interesadas deberán achegar coa solicitude (anexo I) a seguinte documentación:

- ANEXO II.

- Copia do libro de familia.

- En caso de separación/divorcio, a sentencia xudicial ou convenio regulador.

- Certificado de discapacidade.

- Documentación xustificativa da situación de violencia de xénero.

- Resolución xudicial por incapacitación con patria potestade.

- Resolución administrativa ou xudicial acreditativa da situación de acollemento ou certificado do centro de menores.

- Certificado de convivencia, no caso de carecer de DNI.

(NO CENTRO NON SE REALIZARÁN FOTOCOPIAS DE DOCUMENTOS PERSOAIS)

Calquer información ou dúbida  atenderémosvos telefónicamente ou polo correo electrónico do centro.

Un cordial saúdo.

O equipo directivo.

Estimadas familias:

Retomamos o último paso dentro do Proxecto ANCAS.

https://stopaccidentes.org/conocenos/ayuda-orientacion-victimas-afectados-accidentes-trafico/caminos-escolares-ancas/gmx-niv222.htm

Aquí podedes descargar as rutas finais de camiño escolar seguro.

E na parte final, hai un formulario online para as familias que queiran participar nesta iniciativa. No mes de Xuño 2022 faremos unha proba (ANCAS, ANPA e colexio) para poder empezar no curso 2022/2023 con este funcionamento.

Un cordial saúdo.

O equipo directivo.

Dentro do Plan Proxecta "Protexe os animais", o alumnado de Educación Infantil e Primeiro ciclo de E.P. presentaron as súas mascotas, falaron dos seus coidados e necesidades, das súas experiencias... deixámosvos os traballos realizados.

GRAZAS POLA COLABORACIÓN FAMILIAS!!

Estimadas familias:

Informarvos que todas as solicitudes presentadas (de todos os cursos)  resultaron admitidas ao non haber máis solicitudes que prazas.

Publicarase a lista provisional o 25 de abril no taboleiro de anuncios do centro.

Prazo de matrícula do 20-30 de xuño.

*Colgaremos máis información ao respecto no mes de Xuño*